वायु प्रदूषणबाट नेपालमा बर्सेनि ३७ हजार मानिसको अकालमा मृत्यु

स्वास्थ्य मन्त्रालयका अनुसार नेपालमा वर्सेनि बायु प्रदूषणबाट ३७ हजार र सूर्तिजन्य रोगका कारण २७ हजार जनाको अकालमै मृत्यु हुने गरेको छ । नेपाल जलवायू परिवर्तनको सन्दर्भमा उच्च जोखिममा रहेको र देशमा वायु प्रदूषण, जलवायु परिवर्तन प्रेरित प्रकोपहरु (बाढी, खडेरी, अत्याधिक गर्मीका कारण हुने बन डढेलो) र असुरक्षित पानीको प्रयोगले मृत्यु र रोगलाई बढावा दिने गरेको मन्त्रालयको भनाई छ ।

दुई जनामा कलेजो प्रत्यारोपण

शहीद धर्मभक्त राष्ट्रिय प्रत्यारोपण केन्द्रमा दुई जनाको कलेजो प्रत्यारोपण सफल भएको छ । गत आइतबार र सोमबार गरी ती दुई जनाको सफल कलेजो प्रत्यारोपण गरिएको हो । यसअघि नेपालमै पहिलो पटक २०७२ मङ्सिर ६ गते केन्द्रमा कलेजो प्रत्यारोपण गरिएको थियो ।

खोप लाउने मानिस नहुँदा खेर जान थाल्याे

केही समय पहिलेसम्म कोरोनाविरुद्धको खोप लगाउन तँछाड मछाड हुन्थ्यो । भीड नियन्त्रण गर्न खोप केन्द्रमा प्रहरी नै खटाइनुपथ्र्यो । खोप लगाउनकै लागि ठूलो पहुँच पनि चाहिन्थ्यो तर अहिले अवस्था परिवर्तन भएको छ । खोप लगाउने मानिस नहुँदा धेरै मात्रामा खोप खेर जान थालेको छ ।

प्रभावकारी उपचारका लागि मेडिकल उपकरण थप

वीपी कोईराला स्वास्थ्य विज्ञान प्रतिष्ठानले प्रभावकारीढङ्गले उपचार सुविधा उपलब्ध गराउन नयाँ मेडिकल उपकरणहरु थप गरेको छ । वीपी प्रतिष्ठानमा ईमर्जेन्सी सेवामा आउने विरामीलाई थप सुलभ सेवा उपलब्ध गराउन मेडिकल उपकरण थप गरिएको अस्पतालका सहप्रवक्ता डा.चुडामणि पोखरेलले जानकारी दिनुभयो ।

छैटौँ वार्षिकोत्सवको अवसर पारेर ‘एचआईबी’ नामक मोबाईल एप्लिकेसन सार्वजनिक गरिंदै

स्वास्थ्य बीमा बोर्डले छैटौँ वार्षिकोत्सवको अवसर पारेर मोबाईल एप्लिकेसन सार्वजनिक गर्ने भएको छ । बोर्डले वार्षिकोत्सवको अवसर पारेर ‘एचआईबी’ नामक मोबाईल एप्लिकेसन सार्वजनिक गर्न लागेको हो । स्वास्थ्य बीमा गराएका नागरिकले उपचार गर्दा कति खर्च भयो भन्ने जानकारी, कति रकम बाकी भन्ने विषयमा उक्त एप्लिकेसनबाट जानकारी गराउने बोर्डका सूचना अधिकारी सोभियत रिजालले जानकारी दिनुभयो ।