बैतडीमा स्थानीय तह निर्वाचनको तयारी तीव्र

जिल्ला निर्वाचन कार्यालयले आगामी स्थानीय तहको निर्वाचनको आन्तरिक तयारीलाई तीव्रता दिएको छ । सरकारले आगामी वैशाख ३० गते स्थानीय तहको निर्वाचनको मिति तोकेसँगै निर्वाचन कार्यालय तयारीमा जुटेको हो । मिति घोषणासँगै मतदाता नामावली सङ्कलन स्थगित गरिएको छ । अहिले मतदाता नामावली अध्यावधिक गर्ने काम भइरहेको छ । नामावलीउपर दाबी विरोध गर्न आह्वान गरिएको छ । सरकारले तोकेकै मितिमा निर्वाचन गर्नका लागि आन्तरिक तयारी थालिएको...

दृष्टिविहीन अमिटद्वारा पुनः सगरमाथा आरोहणको तयारी

बागलुङका न्यून दृष्टि भएका अमिट केसीले आगामी चैतमा पुनः सगरमाथा आरोहण गर्ने हुनुभएको छ । एक वर्षअघि सगरमाथाको आठ हजार मिटर उचाइमा पुगेर फर्किनुभएका उहाँले चैतमा पुनः सगरमाथा आरोहण गर्ने तयारी थाल्नुभएकोे हो ।

मेची अस्पताललाई २०० शय्यामा स्तरवृद्धि गरिने

प्रदेश नं १ का स्वास्थ्यमन्त्री जयराम यादवले स्वास्थ्य उपकरण सञ्चालनका लागि दक्ष जनशक्ति परिपूर्ति हुने जानकारी दिनुभएको छ । स्वास्थ्य मन्त्रालयद्वारा आइतबार आयोजित पत्रकार सम्मेलनमा उहाँले प्रदेशका स्वास्थ्य सस्थामा ५० प्रतिशत दरबन्दी खाली रहेकोले पदपूर्ति गर्ने प्रक्रिया अगाडि बढाइने बताउनुभयो ।

चौँतीस किलोमिटर सडक कालोपत्रे

काभ्रेको धुलिखेल नगरपालिकाले चार वर्ष पाँच महिनाको अवधिमा ३४ किलोमिटर सडक कालोपत्रे गरेको छ । स्थानीय तहको निर्वाचन अगाडि १२.५ किलोमिटर मात्र कालोपत्रे रहेको धुलिखेलमा अहिले ४६.५ किलोमिटरमा कालोपत्रे सडक पुगेको नगरपालिकाले जनाएको छ ।

कालोबजारी नियन्त्रण गर्न खाद्य पसलमा अनुगमन

कपिलबस्तुको शिवराज नगरपालिका ५ चन्द्रौटा बजार क्षेत्रमा कालोबजारीलाई नियन्त्रण गर्न खाद्य पसलमा अनुगमन गरिएको छ । चन्द्रौटा क्षेत्रमा एक दर्जनभन्दा बढी होटल, रेष्टुरेण्ट तथा किराना पसलमा अनुगमन गरिएको खाद्य प्रविधि तथा गुण नियन्त्रण डिभिजन कार्यालयका प्रमुख शिवशंकर मिश्राले बताउनुभयो । नागरिकको स्वास्थ्यमा खेलवाड गर्ने कसैको अधिकार नरहेकाले गुणस्तरीय खाद्यबस्तु बिक्रि गर्न उहाँले व्यवसायीलाई आग्रह गर्नुभयो...