अपाङ्गता भएका १८२ जनालाई प्रोत्साहन भत्ता

तनहुँको एक नगरपालिकाले ‘ग’ वर्गको पहेंलो कार्ड प्राप्त अपाङ्गता भएका व्यक्तिलाई प्रोत्साहन भत्ता वितरण गरेको छ । नेपाल सरकारले पहेँलो कार्ड प्राप्त व्यक्तिलाई प्रोत्साहन रकम नदिने निर्णय गरे पनि व्यास नगरपालिकाले प्रोत्साहन स्वरुप सो भत्ता दिएको बताएको छ ।

सुख्खा पहिरोमा परी एक जनाको मृत्यु, दुई जना घाइते

बागलुङको बडिगाड गाउँपालिका –७ गोठानमा मोटर बाटो विस्तारको क्रममा खसेको सुख्खा पहिरोमा परी एक जनाको मृत्यु भएको छ । दुई जना घाईते भएका छन् । इदिखोलादेखि गोठान जोड्ने मोटर बाटो खन्दैगरेको अवस्थामा गोठान क्षेत्रमा विस्तार भएको सडक माथिबाट खसेको सुख्खा पहिरोमा परेर स्थानीय ६० बर्षिय गोपिराम विकको मृत्यु भएको हो । मृतक विक सोही मोटरबाटो उपभोक्ता समितिको गत बर्ष अध्यक्षको जिम्मेवारीमा हुनुहुन्थ्यो ।

मुस्लिम सेवा सदन निर्माणकार्य सुरु

लाहान नगरपालिका –५ बाख्रा बजारमा मुस्लिम सेवा सदन निर्माणकार्य सुरु भएको छ । हिन्दु समुदायका आधा दर्जनभन्दा बढी सेवा सदन रहेको लहानमा मुस्लिम समुदायको पहिलो सेवा सदन निर्माण हुन लागेको छ । सेवा सदन निर्माणको लागि लहान नगरपालिकाले एक कठा जमिन उपलब्ध गराएको हो ।

जातीय विभेद रोक्न दलित सेल गठन

जिल्लामा भएको जातीय विभेद न्यूनिकरण गर्न जिल्ला प्रहरी कार्यालय बाजुराले दलित सेल गठन गरेको छ । बाजुराका विभिन्न दलित समुदायमाथि पुस्तौँदेखि जातीय विभेद गरिँदै आएकोले त्यसलाई न्यूनिकरण गर्न जिल्ला प्रहरी कार्यालय बाजुराले दलित सेल गठन गरिएको हो ।

प्रदेश नं १ प्रदेशसभाको बैठक फागुन १५ गतेदेखि सुरु हुने

प्रदेश नं १ प्रदेशसभाको बैठक फागुन १५ गतेदेखि सुरु हुने प्रदेशसभा सचिव गोपालप्रसाद पराजुलीले जानकारी दिनुभयो । सो दिन दिउँसो १ बजे बस्ने बैठकमा प्रदेशसभाको नामकरणको विषय प्रस्ताव हुनसक्ने अनुमान गरिएको छ । सरकारले प्रदेशसभामा पेश गर्ने कुनै पनि बिजनेश नभएका कारण प्रदेशसभाको बैठक लामो समयदेखि स्थगन भएको थियो । अबको नियमति बैठकमा सरकारले कानुन संशोधनका प्रस्ताव ल्याउन सक्ने अनुमान छ । गएको मङ्सिर १ गते मुख्यमन्त्री...