धरौटी रकम बुझाउन नसकेपछि ‘मिटरब्याजी’ आरोपी यादव कारागार चलान

‘मिटरब्याजी’ आरोपी सर्लाही बरहथवा निवासी रामबाबु राय यादव झुम्का कारगार चलान भएका छन् ।

पुरस्कारको रकम विपन्न बालबालिकालाई !

मुना बालपत्रिकाका उप–सम्पादक लक्ष्मी खतिवडाले प्राप्त गर्नुभएको पुरस्कारको रकम बैतडीका विपन्न बालबालिकालाई शैक्षिक सामग्री वितरणमा खर्च गर्नुभएको छ । मुना मासिकका उप–सम्पादक लक्ष्मी खतिवडा इडेन पत्रकारिता सम्मान २०७६ बाट सम्मानित हुनुभएको थियो । धापासिस्थित इडेन ब्रिज एकेडेमीले १६ औं वार्षिकोत्सवको अवसरमा खतिवडालाई सम्मानपत्र र नगद दश हजार रुपियाँसहित सम्मान गरेको थियो ।

घुससहित इञ्जिनीयर र वडा सदस्य पक्राउ

तनहुँको भानु नगरपालिकाका इञ्जिनीयर सुकदेव अधिकारी र वडा नं १३ का सदस्य कृष्णबहादुर अधिकारी सोमबार घुससहित पक्राउ परेका छन् ।

चार महिनादेखि दन्तसेवा बन्द, भिडियो एक्सरे र शल्यक्रिया सेवा ठप्प

जिल्ला अस्पताल जाजरकोटमा उपचारका लागि आउने बिरामी यतिबेला उपचार नपाएर फर्कने गरेका छन् । उपचार नपाउँदा बिरामी हजारौँ खर्चेर जिल्ला बाहिर जान बाध्य छन् । अस्पतालमा कार्यरत डा निशा बुढामगर नहुँदा चार महिनादेखि दन्तसेवा ठप्प छ । बुढाबाहेक दन्तसेवामा अरु स्वास्थ्यकर्मी छैनन् । उहाँ सुत्केरी बिदामा बसेपछि सेवा नै ठप्प हुन पुगेको हो ।

दैलेखमा भेटिए मलेरियाका बिरामी

दैलेखमा मलेरियाका बिरामी भेटिएका छन् । स्वास्थ्य कार्यालय दैलेखका अनुसार जिल्लामा नौ जना मलेरिया बिरामी भेटिएका हुन् । रोजगारीका लागि पैसा कमाउन भारत गएका मानिसमा लामखुट्टेबाट सर्ने मलेरिया रोग देखापरेको हो ।