बाणगङ्गा नगरपालिकाका कृषकलाई दक्षिण कोरिया पठाइँदै

कृषि क्षेत्रमा कोरियन पद्धति सिकाउन कपिलवस्तुको बाणगङ्गा नगरपालिकाले स्थानीय कृषकलाई दक्षिण कोरिया पठाउने भएको छ । बाणगङ्गा नगरपालिकाले मौसमी कृषि कामदार स्वरूप स्थानीय कृषकलाई दक्षिण कोरिया पठाउने तयारी गरेको हो ।

एक वर्षमा पनि सन्थाल बस्ती परियोजनाको काम शुरु भएन

मोरङको उर्लाबारी–९ रातेहोली किनारमा १ वर्ष अघि तत्कालीन सङ्घीय सरकारको शहरी विकास मन्त्रालय, शहरी विकास तथा भवन निर्माण विभागले निर्माण गर्ने सन्थाल एकीकृत बस्ती विकास परियोजना यतिबेला अलपत्र भएकोे छ ।

इच्छाकामनाले एकल महिला र पुरुषलाई भत्ता दिँदै

इच्छाकामना गाउँपालिकाले एकल महिला र एकल पुरुषलाई भत्ता दिने भएको छ । गाउँपालिकाले चालु आर्थिक वर्षबाट भत्ता दिनका लागि नीति तथा कार्यक्रममार्फत बजेट विनियोजन गरेको छ । गाउँपालिका प्रमुख गीताकुमारी गुरुङका अनुसार पालिकामा ४५ वर्ष उमेर नाघेर ७० वर्ष नपुगेका अविवाहित महिला तथा ६० वर्षदेखि ७० वर्षसम्मका एकल पुरुषको लगत सङ्कलनको काम सुरु गरेको छ । वडा कार्यालयबाट नामावली सङ्कलनका सुरु गरिएको हो । यसका लागि गाउँपालिकाले...

कांग्रेस कर्णाली प्रदेश सचेतकमा शाही

नेपाली कांग्रेस कर्णाली प्रदेशसभा संसदीय दलले अमृता शाहीलाई सचेतक पदमा मनोनित गरेको छ । दलको विधान, २०७४ को दफा ११ (१) बमोजिम कांग्रेस संसदीय दलका नेता जीवनबहादुर शाहीले उहाँलाई सचेतकमा मनोनित गर्नुभएको हो । यसअघिका सचेतक हिमबहादुर शाही आन्तरिक मामिला तथा कानुनमन्त्रीमा नियुक्त भएपछि शाहीलाई उक्त जिम्मेवारी दिइएको हो । कांगे्रस संसदीय दलको विधानमा दलका नेताको प्रत्यक्ष निर्देशन, समन्वय एवं परामर्शमा रहेर सचेतकले...

सेल्फी डाँडामा डम्फु पार्क

रामेछाप जिल्लाको सुनापति गाउँपालिका–४ बेथान र वडा नं. ३ हिलेदेवीको सङ्गमस्थल सेल्फी डाँडामा डम्फु पार्क निर्माण गरिएको छ । वडा नं. ३ को कार्यालयले निर्माण गरेको डम्फु पार्क गाउँपालिकाकै पर्यटकीय गन्तव्यका रूपमा परिचत बन्दै गएको वडा नं. ३ का वडाध्यक्ष बाबुराम तामाङले बताउनुभयो ।