गाउँपालिकाले थाल्यो गर्भवतीको स्वास्थ्य परीक्षण

हिमाली जिल्ला म्याग्दीको मंगला गाउँपालिकाले वडामै पुगेर गर्भवतीको स्वास्थ्य परीक्षण गरेको छ । संघीय सरकारको ससर्त बजेट रहेको ग्रामीण ‘अल्ट्रासाउण्ड’ कार्यक्रम अन्तर्गत पायक पर्ने स्थानमा पुगेर सेवा दिनेगरी पहिलो चरणमा गाउँपालिका –१, कुहुँबाट यो अभियान सुरु गरिएको हो ।

झापामा ६ लाख ६० हजार मतदाता

झापामा मतदाता सङ््ख्या ६ लाख ६० हजार ८१९ जना रहेको जिल्ला निर्वाचन कार्यालय झापाले जनाएको छ । झापामा यस पटक ५१ हजारभन्दा बढी नयाँ मतदाता थपिएको जिल्ला निर्वाचन कार्यालय झापाका प्रमुख तुलसी नेपालले बताउनुभयो ।

विपन्न बालबालिकालाई स्वीटर प्रदान

सुनसरी सदरमुकाम इनरुवामा विपन्न परिवारका बालबालिकालाई स्वीटर वितरण गरिएको छ । इनरुवा –७ सीताघाटमा शुभारम्भ मासिकद्वारा आयोजित कार्यक्रममा हनुमान चालिसा गाउँदै विपन्न विद्यार्थीलाई स्वीटर प्रदान गरिएको हो ।

गर्भवतीलाई लक्षित गरी गाउँमा भिडियो एक्सरे सेवा

सुनसरी जिल्लाको सीमावर्ती कोशी गाउँपालिकाले गर्भवतीलाई लक्षित गरी गाउँगाउँमा भिडियो एक्सरे सेवा दिने भएको छ । बुधबार कोशी गाउँपालिकाका अध्यक्ष ऐयुव अंसारीले भिडियो एक्स–रे मेसिन लौकही स्वास्थ्य चौकीका ललिता यादवलाई हस्तान्तरण गरेसँगैं गर्भवतीलाई लक्षित गरी गाउँमा भिडियो एक्सरे सेवा दिने भएको हो ।

सिन्धुलीमा २८ हजार विद्यार्थीले लगाए मोडर्ना खोप

सिन्धुली जिल्लामा १२ देखि १७ बर्ष उमेर समूहका झण्डै २८ हजार विद्यार्थीले कोरोनाबिरुद्धको मोडर्ना खोपको पहिलो डोज लगाएका छन् । १३ हजार ७३ जना छात्र र १४ हजार ७०२ जना छात्रा गरी २७ हजार ७७५ जनाले उक्त खोप लगाएको स्वास्थ्य कार्यालय सिन्धुलीले जनाएको छ । कार्यालयकाअनुसार जिल्लाका नौ वटै पालिकामा सो उमेर समूहका विद्यार्थीलाई मोडर्ना खोपको पहिलो डोज लगाइएको हो । स्वास्थ्य कार्यालयलाई ३५ हजार दुई सय डोज खोप प्राप्त भएपछि...