बालविवाह गर्ने जोडी पक्राउ

जिल्लामा बाल विवाहसम्बन्धी कसुरमा दुई जना पक्राउ परेका छन् । प्रहरीले बाल विवाह गरेको आरोपमा दुई जनालाई पक्राउ गरेको हो । जिल्ला प्रहरी कार्यालय दैलेखका डिएसपी भुवनेश्वरप्रसाद साहकाअनुसार दुल्लु नगरपालिका ४ बस्ने दिनेश थापा र एक बालिका पक्राउ परेको जानकारी दिनुभयो ।

चार लाख ८४ हजार नगदसहित १२ जुवाडे पक्राउ

जुवाको खालबाट सर्लाही प्रहरीले नगदसहित १२ जना जुवाडेलाई पक्राउ गरेको छ । मङ्गलबार राती १२ बजे बागमती नगरपालिका– ३, धरहरास्थित ढलक भन्ने सञ्चर घिसिङको घरभित्र जुवा खेलिरहेको अवस्थामा प्रहरीले चार लाख ८४ हजार ५० रुपियाँ नगदसहित पक्राउ गरेको हो ।

भेरी अस्पतालमा उपचारत बर्दिया र कालिकोटका दुई संक्रमितको मृत्यु

दुई वर्षपछि कोरोना संक्रमणबाट हुने मृत्युदर शुन्यमा पुगेको नेपालगञ्जस्थित भेरी अस्पतालमा तेस्रो लहर शुरु भएपछि संक्रमितको मृत्यु हुनेक्रम फेरि शुरु भएको छ ।

हिमपातका बेला पनि चामल लिनेको घुईचो

हिमपात भइरहेका बेला सिमकोटस्थित खाद्य व्यवस्था तथा ब्यापार कम्पनी लिमिटेडको गोदाममा खाद्यन्न लिनेको घुईचो लागेको छ । लिमिटेडको शाखाले पुर्बसूचना निकालेर खाद्यन्न बिक्री बिहानैबाट सुरु गरेपछि स्थानीय बासिन्दा हिमपात भइरहेकाबेलामा पनि लामबद्ध भएर खाद्यन्न खरिद गर्न लाइन लाग्नुभएको हो ।

कुहिरोको कारण करिब एक टन मह नोक्सानी

घाम नलाग्ने र कुहिरोका कारण कपिलवस्तुमा मह उत्पादन घट्ने भएको छ । लगातार चिसो भएपछि घारमा सञ्चित भएको मह माहुरीले खाएपछि कृषकहरु मर्कामा परेका छन् । नियमित घाम नलाग्दा र शीतलहरका कारण कुल उत्पादनको आधा भाग माहुरीको आहारामा खर्च हुनेभएको छ ।