हरसिद्धि जात्रा सुरु

ललितपुरको हरसिद्धि गाउँबाट देवगणसहितले सोमबार ल्याएको त्रिशक्ति देवीलाई पनौती बजारस्थित हरसिद्धि पाटीमा राखेर पूजाआजा तथा बलि चढाएर बजार परिक्रमा गराइएको छ । सो क्रममा त्रिवेणीघाटमा रहेको वासुकी नागमा जल चढाएर थुमा (भेडा)को बलि चढाइ पुनः बजार परिक्रमा गर्दै देवघरमा लगेर देवता बिसाउने र फेरि हरसिद्धि डबलीमा देवता पु¥याएको जात्रा मूल व्यवस्थापन समितिले जनाएको छ ।

तीनमुखे झोलुङ्गे पुल निर्माण अन्तिम चरणमा

पाल्पा, गुल्मी र स्याङ्जा जिल्लाको सङ्गमस्थल रिडीमा निर्माणाधीन एशियाको पहिलो तीनमुखे झोलुङ्गे पुलको काम अन्तिम चरणमा पुगेको छ । स्याङ्जाको कालीगण्डकी गाउँपालिका–१ चण्डीभञ्ज्याङ, पाल्पाको तानसेन नगरपालिका–१४ अर्गली र गुल्मीमा रुरुक्षेत्र गाउँपालिका–१ रिडी जोड्ने पुलको काम अन्तिम चरणमा पुगेको हो । कालीगण्डकी नदीको बीचमा नौ मिटर रनिङ गोलाइ भएको ‘पिलर’ निर्माण भएको छ । पुलमा २५ मिटर उचाइसहितको भ्यूटावर, तीन...

काठसहित चार पक्राउ

जिल्ला प्रहरी कार्यालय सुर्खेतले सोमबार वीरेन्द्रनगर नगरपालिका सुर्खेत बाङ्गेसिमलबाट सालको काठ बरामद गरेको छ । पश्चिम सुर्खेतको पञ्चपुरी नगरपालिकाको सालकोट स्वास्थ्यचौकी भवनका पुरानो सालको काठ सल्यानको सल्लीबजार लैजाँदै गर्दा वीरेन्द्रनगरको बाङ्गेसिमल जाँच चौकीबाट प्रहरी टोलीले सो काठ बरामद गरेको हो ।

मन्थली बसपार्क अस्तव्यस्त

जिल्ला सदरमुकाम मन्थलीमा रहेको बसपार्क समयमै आवश्यक मर्मत सम्भार हुन नसक्दा अस्तव्यस्त बनेको छ । मन्थली नगरपालिका–१ मा रहेको बसपार्कभित्रका खाल्डाखुल्डी मर्मतका लागि सुरु गरिएको काम पनि अहिले रोकिएपछि सवारीसाधन पार्किङमा समस्यासँगै होटल व्यवसायी र अन्य व्यापारीको व्यापारसमेत प्रभावित भएको छ । समयमै मर्मतको काम नसकिँदा मन्थली बसपार्क अस्तव्यस्त बनेको चालक कुमार खत्रीले बताउनुभयो । मन्थली बसपार्क

महानगर प्रमुखमा काँग्रेसबाट आकाङ्क्षी बढ्दै

भरतपुर महानगरको प्रमुख पदमा नेपाली काँग्रेसमा बागमती प्रदेशका मन्त्रीदेखि पार्टीका केन्द्रीय सदस्यले दाबी गरेका छन् । काँग्रेस महानगर समितिले आसन्न स्थानीय तह निर्वाचनका लागि दाबी गर्न दुई दिन दिएको नाम दर्तामा २५ जना स्थानीयदेखि केन्द्रीय तहसम्मका नेताले इच्छा जाहेर गरेका हुन् । उपप्रमुखमा २४ जनाको मनोनयन दर्ता भएको छ ।