मेयर कप टेबलटेनिस ललितपुरमा

तेस्रो संस्करणको मेयर कप अन्तर वडा टेबलटेनिस प्रतियोगिता मंगलबारदेखि ललितपुरमा सुरु हुने भएको छ । प्रतियोगिातमा ललितपुर महानगरपालिकाका २९ वडाका पाँच सय ५० खेलाडीको सहभागिता रहने आयोजक ललितपुर जिल्ला टेबलटेनिस संघले जानकारी दिएको छ ।

नेकपा (एस)को पोलिटब्यूराे बैठकः स्थानीय चुनावमा छलफल केन्द्रित

सत्ता साझेदार दल नेकपा (एकीकृत समाजवादी) ले अबको सम्पूर्ण ध्यान आगामी स्थानीय तहको चुनावमा केन्द्रित भएको जनाएको छ । सोमबारको पोलिट्ब्यूरो कमिटीको बैठकबारे बोल्नुहुदै नेकपा (एस) का अध्यक्ष माधवकुमार नेपालले आगामी चुनावको तयारीलाई फोकस गरेर अघि बढ्नुपर्ने बताउनुभएको हो ।

मोरङको वारङ्गीमा बिजुली बल्यो

मोरङ जिल्ला भन्नासाथ औसत नेपालीले समथर भूगोल, फाँटिलो खेत र सुगम शहरको कल्पना गरिन्छ । तर उत्तरी मोरङको पहाडी गाउँ लेटाङ ७ वारङ्गीका धेरैजसो गाउँमा बिजुली पुगेको थिएन । अहिले त्यहाँ विजुली पुग्दा स्थानीय खुशी भएका छन् ।

अभ्यास खेलमा नेपाल विजयी

श्रीलंका भ्रमणमा रहेको नेपाली क्रिकेट टोलीले पहिलो अभ्यास खेलमा जित निकालेको छ । सोमबार भएको पहिलो अभ्यास खेलमा नेपालले श्रीलंकाको पहिलो श्रेणी क्लब नेभीलाई एक सय ११ रनले हरायो ।

४३ गाइडलाई कारवाही गर्दै पर्वतारोहण संघ

पर्यटन विभागले पर्वतारोहीहरुलाई माउन्टेन गाइड लाइसेन्स प्रदान गरेको भन्दै अदालतमा उजुरी दर्ता गर्ने ४३ जना गाइडलाई नेपाल पर्वतारोहण संघले कारवाही गर्ने भएको छ । गाइडहलाई संघले स्पष्टीकरण सोधेपनि चित्तबुझ्दो जवाफ नआएको भन्दै विधानअनुसार कारवाही गर्ने तयारी थालेको संघका अध्यक्ष शन्तविर लामाले जानकारी दिनुभयो ।

स्कुल बक्सिङ अर्को महिना

नेपाल बक्सिङ संघको तत्वावधान तथा प्राविधिक सहयोगमा खेलकुद प्रवद्र्धन संस्था नेपाल (स्पोन) ले प्रथम राष्ट्रव्यापी स्कुलस्तरीय ब्वाइज÷गल्र्स बक्सिङ प्रतियोगिता चैत ५ गतेदेखि आयोजना गर्ने भएको छ ।

युक्रेनबाट ५३३ नेपाली सुरक्षित रूपमा बाहिरिए : परराष्ट्रमन्त्री खड्का

परराष्ट्रमन्त्री नारायण खड्काले युक्रेनबाट ५३३ नेपाली छिमेकी मुलुकमा पुगिसकेको जानकारी दिनुभयो । सोमबार मन्त्रालयमा आयोजित प्रेस ब्रिफिङमा मन्त्री खड्काले युक्रेनबाट ५३३ नेपाली सुरक्षित रुपमा बाहिरिएको बताउनुभएको हो । उहाँका अनुसार उद्धार गरिएकाहरुमध्ये ४२७ जना पोल्याण्ड र बाँकी अन्य देशमा सुरक्षित रहेका छन् ।

२४ घण्टामा थप ६६ जना सङ्क्रमित, एकको मृत्यु

पछिल्लो २४ घण्टामा ६६ जनामा कोरोना सङ्क्रमण पुष्टि भएको छ । छ हजार १४५ जनाको पीसीआर परीक्षण गर्दा ६६ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

बस चढ्ने सुविधा नभएपछि विद्यार्थीलाई समस्या

बैतडीको नमुना ज्ञानेश्वर माध्यमिक विद्यालयको आफ्नै बस नहुँदा टाढाबाट पठनपाठनका लागि आउने विद्यार्थीलाई समस्या भएको छ । सुदूरपश्चिम प्रदेश सरकारका मुख्यमन्त्री त्रिलोचन भट्टले बस किनेर दिने वाचा गर्नु भएपनि तीन वर्षसम्म पनि सो वाचा पूरा नभएको विद्यालयका शिक्षकहरुको भनाइ छ ।

गर्भवती महिलामाथि कुटपिट

आरक्षमा दाउरा लिन गएकी गर्भवती महिलामाथि कुटपिट गरिएको छ । कुटपिट गर्ने आरक्षका कर्मचारीलाई कारवाही गर्ने कोशीटप्पु वन्यजन्तु आरक्ष कार्यालयका संरक्षण अधिकृत रामचन्द्र खतिवडाले बताउनुभयो ।