माओवादी केन्द्रीय समितिको बैठक स्थगित, भाेलि बस्ने

सत्ता साझेदार दल नेकपा माओवादी केन्द्रको केन्द्रीय समितिको बैठक साेमबारसम्मकाे लागि स्थगित भएकाे छ । फागुन २० गते शुक्रबारदेखि सुरु भएको माओवादी केन्द्रीय समितिको बैठक हिजो शनिबार थप गृहकार्य गरेर आज बस्न लागेको थियाे । 

आगलागी निरीक्षणमा श्रममन्त्री हेलिकप्टर लिएर दमाैलीमा

तनहुँको सदरमुकाम दमौली बजारमा आगलागी अनियन्त्रित भएपछि आगलागी निरीक्षणमा श्रम, रोजगार तथा सामाजिक सुरक्षामन्त्री कृष्णकुमार श्रेष्ठले काठमाडौंबाट पानीसहितको हेलिकप्टर लिएर दमौली पुग्नुभएकाे छ ।

अमेरिकी र चिनियाँ विदेशमन्त्री फोनवार्ता

चिनियाँ विदेशमन्त्री वाङ यी र अमेरिकी विदेशमन्त्री एन्टोनी ब्लिन्केनबीच फोनमा कुराकानी भएको छ ।उहाँहरुका बीचमा शनिबार कुराकानी भएको बताइएको छ । सो फोनवार्ताका क्रममा उहाँहरुका बीचमा चीन र अमेरिकाको सम्बन्ध तथा द्धिपक्षीय हितका अरु विभिन्न विषयमा कुराकानी भएको बताइएको छ ।

कार्यव्यवस्थाको बैठक जारी

प्रतिनिधिसभा संसदको बैठकको विषय छलफल एवम् व्यवस्थापनका लागि कार्यव्यवस्था परामर्श समितिको बैठक जारी छ । सभामुख अग्निप्रसाद सापकोटाले बोलाउनुभएको कार्य व्यवस्थाको बैठक नयाँ बानेश्वरस्थित संसद भवनको शङ्कर हलमा बसिरहेको सभामुख सापकोटाको प्रेस सल्लाहकार श्रीधर न्यौपानेले बताउनुभयो ।

दमौली बजारमा भीषण आगलागी, १२ घरमा फैलिएको अनुमान (फाेटाे फिचर)

तनहुँको दमौली बजारमा भीषण आगलागी भएको छ । दमौलीको मुख्य बजार क्षेत्रको भूपाल हार्डवेयरबाट बिहान १० बजेबाट आगलागी सुरु भएको र अहिले (११:४०बजे )सम्म आगो नियन्त्रणमा आउन सकेको छैन । आगो बजार क्षेत्रमा लागेको र करीब १२ वटा घरमा फैलिएको अनुमान छ । सो क्षेत्रमा चार वटा दमकल आगो नियन्त्रणका लागि परिचालन गरिएको छ ।

माओवादी केन्द्रीय समितिको बैठक दिउँसो २ बजे बस्दै

माओवादी केन्द्रीय समितिको बैठक दिउँसो २ बजे बस्दै काठमाडौं, फागुन २२ गते । सत्ता साझेदार दल नेकपा (माओवादी केन्द्र) को केन्द्रीय समितिको बैठक आइतबार दिउँसो २ बजे बस्दैछ ।

दुईहजार ३७ वटा युक्रेनी भौतिक संरचना ध्वस्त

रुसी सेनाले दुईहजार ३७ वटा युक्रेनी भौतिक संरचनालाई ध्वस्त पारेको बताएको छ । रुसले छिमेकी देशमाथि एकतर्फी हमला गरेको दशौं दिनसम्म सो सङ्ख्यामा भौतिक संरचना ध्वस्त भएको रुसी रक्षा मन्त्रालयका प्रवक्ता इगोर कोनासेन्कोभले दाबी गर्नुभएको हो । उहाँका अनुसार ७१ कमाण्ड पोष्ट र सञ्चार केन्द्र, ९८ एन्टिएयरक्राप्ट मिसाइल प्रणाली र ६१ वटा राडार केन्द्र छन् ।

रुसमा मास्टरकार्ड र भिसा सञ्चालनमा प्रतिबन्ध

अमेरिकी गठबन्धनले रुसमाथि थप आर्थिक नाकाबन्दी लगाएको छ । रुसमा मास्टरकार्ड र भिसा सञ्चालनमाथि निलम्बन गरेपछि रुसी अर्थतन्त्र थप कमजोर हुने अलजजिराले जनाएको हो । यस्तै, अन्तराष्ट्रिय मुद्रा कोषले युक्रेनमाथि रुसी हमला भएपछि विश्वमा आर्थिक सङ्कट गम्भीर स्थितिमा पुगेकाले युद्ध थप लम्बिए त्यसको असर विकराल हुने चेतावनी दिएको छ ।

नेपाल खेलकुद महासङ्घ प्रदेश १ को अध्यक्षमा थापा

नेपाल खेलकुद महासङ्घ प्रदेश १ को अध्यक्षमा कराँतेका राजकुमार थापा निर्वाचित हुनुभएको छ । झापाको बिर्तामोडमा सम्पन्न प्रदेश–१ को प्रथम अधिवेशनले थापाको अध्यक्षतामा ६६ सदस्यीय प्रदेश कमिटी सर्वसम्मत निर्वाचित गरेको हो ।

जुर्मुरायो रङ्गमञ्च

कोरोनाले सुस्ताएको सहर बिस्तारै पुरानो लयमा फर्केने क्रममा छ । ठप्प जस्तै भएका शैक्षिक सङ्घ–संस्था पुनः सञ्चालन भएका छन् । कोरोनाले खलबलिएको लय पुनः जुर्मुराउँदै छ । रङ्गमञ्चमा पनि एउटा संयोग जुरेको छ । विद्यार्थी, शिक्षक र रङ्गहरूको कथाको नाटक सहरमा मञ्चन भइरहेको छ ।