मुगुको गमगढीमा एक हप्ता विद्युत आपूर्ति बन्द हुने
गोरखापत्र अनलाइन
चैत्र ११, २०७८ शुक्रबार
गमगाड वितरण केन्द्र, मुगुले चैत १२ देखि १९ गतेसम्म विद्युत वितरण कार्य बन्द गर्ने भएको छ । मुहान मर्मत गर्नुपर्ने भएकाले विद्युत आपूर्ति बन्द गर्न लागेको केन्द्रले जनाएको छ । गएको बर्खामा भारी वर्षात हुँदा पानीको बहाब बढेपछि गमगाड जलविद्युतको मुहानलाई क्षति पुगेको र त्यसको मर्मत कार्य अगाडि बढाइएकोले आपूर्ति बन्द हुने केन्द्रका प्रमुख दिनेश पौडेलले बताउनुभयो । मर्मत कार्य शनिबारदेखि सुरु हुँदैछ ।
