बढ्यो सुनको मूल्य

सुनचाँदी बजारमा आज छापावाल सुनको मूल्य प्रतितोला छ सयले उकालो लागेको छ । अघिल्लो दिन प्रतितोला ९२ हजार दुईमा कारोबार भएको पहेँलो धातुको मूल्य आज प्रतितोला ९२ हजार आठ सय तोकिएको छ ।

सोलु करिडोर सम्पन्न

उदयपुर जिल्ला हुँदै सिराहादेखि सोलुसम्मको राष्ट्रिय गौरवको आयोजना सोलु करिडोरको काम सम्पन्न भएको छ । १३२ केभी डबल सर्किट रहेको करिडोरको प्रसारण लाइनको काम हालै सम्पन्न भएको हो । आयोजनाका प्रमुख जनाद्र्धन गौतमका अनुसार करिडोर प्रसारण लाइनका लागि टावर निर्माण, तार टाङ्नेलगायतका काम सकिएको छ । सोलुको दूधकुण्ड नगरपालिका–११ तिङ्लामा सब–स्टेसन निर्माण पहिले नै भइसकेको छ । सो स्टेसन निर्माण गरी सुरु गरिएको आयोजना अवरोधका...

किवी किसान चिन्तित

किवीको बजार अभाव हुँदा ताप्लेजुङसहित पूर्वका किसानले अपेक्षित मूल्य पाउन सकेका छैनन् । सुरुमा धेरै राम्रो मूल्य आएकाले धेरै किसान किवी खेतीतर्फ आकर्षित भएका थिए तर अहिले सोचजस्तो मूल्य नआएपछि उनीहरू निराश बनेका छन् । लगानी नै डुब्ने चिन्तामा किसान परेका छन् ।

रोजगारका अवसर प्रदान गर्न आग्रह

श्रम, रोजगार तथा सामाजिक सुरक्षामन्त्री कृष्णकुमार श्रेष्ठले नेपाली युवाका लागि फ्रान्समा रोजगारीका अवसर प्रदान गर्न फ्रान्सका राजदूत गिल्स बुर्बाओसँग आग्रह गर्नुभएको छ । मन्त्रालयमा मङ्गलबार नेपालका लागि फ्रान्सका राजदूत गिल्स बुर्बाओले शिष्टाचार भेटको क्रममा यस्तो आग्रह गर्नुुभएको हो ।

मल खरिद गर्न पाँच वर्षका लागि सम्झौता हुँदै

कृषि तथा पशुपन्छी विकास मन्त्रालयले जीटुजी (सरकार–सरकार) मार्फत भारतबाट रासायनिक मल खरिद गर्ने भएको छ । मल खरिदका लागि दुई देशबीच हुने सम्झौताको मस्यौदा तयार भइसकेको छ । भारतले पनि आफ्नोतर्फबाट सम्झौताको मस्यौदा नेपाल पठाइसकेको छ । सो मस्यौदाबारे मन्त्रिपरिषद्ले निर्णय गरेपछि दुई पक्ष सम्झौतापत्रमा हस्ताक्षर हुने कृषिमन्त्री महिन्द्रराय यादवका निजी सचिवालयले जनाएको छ ।