आईसीपीलाई रेल सञ्जालमा जोड्न माग

पूर्वका उद्योगी–व्यवसायीले विराटनगर–१८ मा निर्माण भएको एकीकृत भन्सार जाँचचौकी (आईसीपी)लाई रेलमार्गको सञ्जालमा जोड्नुपर्ने बताएका छन् । भारतको रेल सञ्जालमा जोड्ने विषयलाई प्रधानमन्त्रीको आसन्न भारत भ्रमणको एजेन्डा बनाइदिन माग गरेका हुन् ।

पाँच महिनामा पाँच करोड राजस्व सङ्कलन

भीमदत्त नगरपालिकाले चालू आवको पाँच महिनामा रु पाँच करोड राजस्व सङ्कलन गरेको छ । आन्तरिक आयअन्तर्गत मात्रै उक्त राजस्व सङ्कलन गरिएको हो । नगरपालिकाका लेखा शाखा प्रमुख गोविन्द उपाध्यायले चालू आर्थिक वर्षको मङ्सिरसम्ममा उक्त राजस्व सङ्कलन भएको बताउनुभयो । उहाँका अनुसार नगरपालिकाले वार्षिक रु ११ करोड आन्तरिक राजस्व सङ्कलन गर्ने लक्ष्य लिइएकामा ४५ प्रतिशत बढी आन्तरिक आय सङ्कलन भइसकेको छ ।

धान उत्पादन पाँच वर्षयताकै कम

चालू आर्थिक वर्ष २०७८/७९ मा धान उत्पादनमा कमी आएको छ । कृषि तथा पशुपक्षी विकास मन्त्रालयले विगत पाँच वर्षयताकै धान उत्पादनमा कमी आएको जनाएको हो । मन्त्रालयले आइतबार सार्वजनिक गरेको तथ्याङ्कअनुसार गत आर्थिक वर्ष २०७७/७८ को तुलनामा चालू आवमा धान उत्पादनमा ८.७४ प्रतिशतले कमी आएको हो । चालू आवमा ५१ लाख ३० हजार मेट्रिक टन धान उत्पादन भएको हो । गत आवमा ५६ लाख २१ हजार मेट्रिक टन धान उत्पादन भएको थियो ।

नवलपरासीमा दुई चिनी उद्योग सञ्चालन हुँदै, उखुको अभाव

पश्चिम नवलपरासीमा ऊखुको उत्पादन घट्दै गएको भए पनि यस वर्ष जिल्लाका दुई चिनी उद्योग सञ्चालन हुने भएका छन् ।

घट्यो सुनको मूल्य

सुनचाँदी बजारमा आज छापावाल सुनको मूल्य प्रतितोला रु. ३०० ले घटेर रु. ९३ हजार १०० मा आएको छ । पहेँलो धातु अघिल्लो दिन प्रतितोला रु. ९३ हजार ४००मा कारोबार भएको थियो ।