सहमतिपछि निर्माण पुनः सुरू

काठमाडौँ–मस्र्याङ्दी प्रसारण लाइनको अवरुद्ध निर्माण कार्य पुनः थालिएको छ । धादिङ सिद्धलेक गाउँपालिका पीपलटारका स्थानीयवासीले पोल गाड्ने तथा तार तान्ने काम रोकेकामा अहिले सहमति जुटेपछि पोल गाड्ने काम सुरु भएको नेपाल विद्युत् प्राधिकरणले जनाएको छ । ८२ किलोमिटर लामो प्रसारण लाइनको सबै काम सकिए पनि सिद्धिलेकको दुई किलोमिटर क्षेत्रमा दुईवटा टावर गाड्ने र तार टाँग्ने काम रोकिएको थियो ।

आईओटीलाई नियमनको दायरामा ल्याइँदै

मेसिन तथा डिभाइसबीच आपसमा सम्पर्क स्थापना गर्ने इन्टरनेट अफ थिङ्स(आईओटी)लाई नियमनको दायरामा ल्याइने भएको छ । मेसिन टु मेसिन (एमटुएम) सञ्चार नामले समेत परिचित आईओटीको सुरक्षित प्रयोग तथा तथ्याङ्कको गोपनीयता राख्ने उद्देश्यले यसलाई नियमन गर्न लागिएको हो । त्यस

उखुको मूल्य निर्धारणमा ढिलाइ

मङ्सिरको दोस्रो साता बितिसक्दा पनि उखुको मूल्य निर्धारण हुन सकेको छैन । उखुको मूल्य तोक्न ढिलाइ हुँदा चिनी मिल सञ्चालनबारे अन्योल बढेको छ भने किसान खेतमै उखु सुक्ने हो कि भन्नेमा चिन्तित छन् । किसानले लगाएको उखु काट्ने बेला भइसकेको छ । सुक्खा बढ्दै जाँदा उखु सुक्ने भएकाले किसानलाई नोक्सानी थपिन्छ । नेपाल उखु उत्पादक महासङ्घका अध्यक्ष कपिलमुनि मैनालीले उखु खेती घट्दै गएसँगै सरकारले ढिलो गरी मूल्य तोक्ने र चिनी...

औद्योगिक ग्रामका लागि १५० प्रस्ताव

औद्योगिक ग्राम स्थापनाका लागि १५० स्थानीय तहले उद्योग, वाणिज्य तथा आपूर्ति मन्त्रालयमा प्रस्ताव पठाएका छन् । यी प्रस्तावमध्ये ११ वटा प्रस्ताव स्वीकृतिका लागि मन्त्रिपरिषद्मा पठाइएको छ । करिब ३० वटा प्रस्ताव मापदण्ड नपुगेको र बाँकी प्रस्ताव अध्ययन भइरहेको मन्त्रालयले जनाएको छ ।

नेप्से परिसूचकमा उच्च अङ्कको गिरावट

धितोपत्र बजारमा शेयर कारोबार मापक नेप्से परिसूचक आज पनि उच्च अङ्कले घटेको छ । नेपाल स्टक एक्सचेञ्जका अनुसार नेप्सेमा आज ४९.०४ अङ्कले गिरावट आई दुई हजार ५८४.६१ मा ओर्लेको छ । यस्तै ठूला कम्पनीको शेयर कारोबार मापन गर्ने सेन्सेटिभ परिसूचक ९.४६ अङ्कले ओरालो लागेर ४८७.२७ मा ओर्लेको छ ।