अर्थमन्त्रीको असन्तुष्टि

अर्थमन्त्री जनार्दन शर्माले आयात घटाउने आधारहरू हुँदाहुँदै पनि नघटेकोप्रति असन्तुष्टि व्यक्त गर्नुभएको छ । आयात नघट्दा व्यापार सन्तुलन तथा विदेशी मुद्रा सञ्चितिमा दबाब परेको बताउँदै उहाँले अब पनि आयात नघटे बलपूर्वक घटाउनुपर्ने अवस्था आउनसक्ने बताउनुभयो । अर्थ मन्त्रालयमा बुधबार बसेको आर्थिक वर्ष २०७८/७९ को प्रथम प्रगति समीक्षा एवं मन्त्रालयस्तरीय विकास समस्या समाधान समितिको बैठकमा उहाँले यस्तो बताउनुभएको...

बयासी श्रमिक कोरिया प्रस्थान

कोरोनाका कारण लामो समयदेखि रोकिएको दक्षिण कोरियाको रोजगारी प्रव्रिmया खुलेसँगै बुधबार दोस्रो चरणमा ८२ जना प्रतिबद्ध श्रमिक कोरिया गएका छन् । वैदेशिक रोजगार विभागअन्तर्गतको रोजगार अनुुमति प्रणाली (ईपीएस) शाखाअनुसार दक्षिण कोरियामा तीन वर्ष १० महिना काम गरेर नेपाल फर्किएका ८२ जना प्रतिबद्ध श्रमिक कोरिया गएका हुन् ।

चुलियो आयात : चार महिनामै छ खर्ब ५० अर्ब बाहिरियो

बजारमा तरलताको समस्या कायम रहँदा नेपालको आयात भने चुलिएको छ । भन्सार विभागले बुधबार सार्वजनिक गरेको चालू आर्थिक वर्ष २०७८÷७९ को कात्तिकसम्मको अन्तर्राष्ट्रिय व्यापार तथ्याङ्कअनुसार नेपालबाट चार महिनामै वस्तु आयातबापत छ खर्ब ५० अर्ब रुपियाँ बाहिरिएको छ ।

भएन खाद्यान्न ढुवानी

आर्थिक वर्ष सुरु भएको पाँच महिना सुरु भएपनि खाद्य व्यवस्था तथा व्यापार लिमिटेड कम्पनीको खाद्यान्न ढुवानी अझै सुरु हुन सकेको छैन । हवाई मार्गबाट ढुवानी हुने खाद्यान्नका लागि अदालतमा मुद्दा पर्नु र पैदल मार्गको खाद्यान्न ढुवानी आपूर्तिकर्ता छनोट भए पनि ढुवानी गर्न नमानेपछि ढुवानी हुन नसकेको हो ।

आर्थिक पुनरुत्थानमा निजी क्षेत्रको भूमिका धेरै

अर्थमन्त्री जनार्दन शर्माले नेपालको आर्थिक पुनरुत्थानमा निजी क्षेत्रले अझै धेरै भूमिका खेल्न सक्ने बताउनुभएको छ । नेपाल आर्थिक पत्रकार सङ्घ (नाफिज)ले बुधबार राजधानीमा आयोजना गरेको कार्यक्रममा मन्त्री शर्माले सार्वजनिक निजी साझेदारीको अवधारणाअनुरूप निजी क्षेत्रले पूर्वाधार निर्माणमा समेत हात हाल्नुपर्ने र यसका लागि आवश्यक सहयोग गर्न सरकार तयार रहेको बताउनुभएको हो ।