एक लाख नाघ्यो सुनको मूल्य

सुनचाँदी बजारमा आज छापावाल सुनको कारोबार मूल्य प्रतितोला एक लाख तीन सय रुपियाँ तोकिएको छ । अघिल्लोदिन प्रतितोला ९९ हजार दुई सय रुपियाँमा कारोबार भएको पहेँलो धातु आज प्रतितोला एक हजार एक सय रुपियाँले उकालो लागेको हो ।

खरिद नियमावली संशोधन गर्ने आश्वासन

अर्थमन्त्री जनार्दन शर्माले सार्वजनिक खरिद नियमावलीको एघारौँ संशोधनमा प्राविधिक त्रुटि रहेको बताउनुभएको छ । नेपाल निर्माण व्यवसायी महासङ्घको प्रतिनिधिमण्डलसँगको भेटमा बुधबार मन्त्री शर्माले सो नियमावलीको एघारौँ संशोधनमा देखिएका प्राविधिक त्रुटि संशोधन गर्ने आश्वासन पनि दिनुभयो ।

न्यून भन्सार मूल्याङ्कन गरिएका सामान बरामद

पूर्वको मेची भन्सार नाका तथा आसपासका क्षेत्रबाट चोरी तस्करी गरिएका तथा न्यून भन्सार मूल्याङ्कन गरी कम राजस्व तिरेर भित्र्याइएका सामान बरामद हुने क्रम बढेको छ । मेची भन्सार नाकाबाट भित्रिएका दुईवटा ट्रक गत सोमबार अपराह्न राजस्व अनुसन्धान प्रादेशिक कार्यालय इटहरीको टोलीले नियन्त्रणमा लिएपछि यस्तो अवस्था देखिएको हो । टोलीले नियन्त्रणमा लिएर कार्यालय परिसरमा राखेको ना. ७ ख ५८३ र प्र १ ०२ ०० १ ख ९५२७ नम्बरका ट्रकमा...

मल्ल एन्ड मल्ल स्टक ब्रोकिङलाई जरिवाना

नेपाल धितोपत्र बोर्डले धितोपत्र दलाल व्यवसायी मल्ल एन्ड मल्ल स्टक ब्रोकिङ कम्पनी प्रालिलाई जरिवाना तिराएको छ । सो कम्पनीले ग्राहकबाट १३ देखि १८ प्रतिशतसम्म ब्याज असुल गरेकाले बोर्डले उक्त कम्पनीलाई ७५ हजार रुपियाँ जरिवाना गरेको हो ।

प्रयोग भएनन् चिनियाँ बन्दरगाह

सम्झौता भएको छ वर्ष पूरा भइसक्दा पनि नेपाल–चीन व्यापार तथा पारवहन सम्झौता कार्यान्वयनमा आउन सकेको छैन । चीन हुँदै तेस्रो देशसँग व्यापार गर्न पाउने सुविधा समेटिएको उक्त सम्झौताका सम्पूर्ण प्रक्रिया पूरा भए पनि नेपालले अहिलेसम्म त्यसको व्यावहारिक प्रयोग गर्न पाएको छैन । बरु कोभिड–१९ सङ्क्रमणको कारण देखाउँदै चीनसँगका मुख्य दुई भन्सार नाकाबाट चीनसँग नै सहज व्यापार हुन सकेको छैन । सम्झौताअनुसार नेपालले चीनका ल्हासा,...