‘फस्र्ट फ्लस’को चिया तयार

चैत लागेसँगै इलामका चिया बगानमा ‘फस्र्ट फ्लस’ (पहिलो पटकको मुना) टिप्नका लागि तयार भइसकेको छ । उच्च गुणस्तरको मानिने फस्र्ट फ्लस कतै–कतै टिप्न पनि थालिएको छ । इलामको दक्षिणी क्षेत्र माई नगरपालिका र इलाम नगरपालिकाको सोयाकका चिया बगानबाट यो वर्षको पहिलो टिपाइ सुरु भएको हो ।

‘विदेशी सीप र ऊर्जा लगानी गर्नूस्’

अर्थमन्त्री जनार्दन शर्माले गैरआवासीय नेपालीलाई नेपालमा लगानी गर्ने वातावरण तयार गर्न सरकारले नीतिगत परिवर्तन गरेको बताउनुभएको छ । गैरआवासीय नेपाली सङ्घ (एनआरएनए)का प्रमुख संरक्षक शेष घलेको आह्वानमा मङ्गलबारदेखि काठमाडौँमा सुरु भएको १०औँ महाधिवेशन एवं विश्व सम्मेलन उद्घाटन कार्यक्रमलाई सम्बोधन गर्दै अर्थमन्त्री शर्माले गैरआवासीय नेपालीलाई नेपालमा लगानी गर्न आह्वान गर्नुभएको हो । उहाँले भन्नुभयो, “विश्वका...

अनलाइनबाटै नवीकरण

बीमा क्षेत्रमा काम गर्ने बीमा सर्भेयर र बीमा अभिकर्ताले इजाजतपत्र नवीकरण गर्न बीमा समिति नै धाइरहन नपर्ने भएको छ ।मङ्गलबारदेखि अनलाइन प्रणालीमार्फत बीमा सर्भेयर र बीमा अभिकर्ताको इजाजतपत्रको नवीकरणको सुरुवात भएसँगै बीमा समितिमै धाउनुपर्ने बाध्यताको अन्त्य भएको हो ।

मूल्यवृद्धिका कारण पेस गर्न निर्देशन

वाणिज्य, आपूर्ति तथा उपभोक्ता विभागले फलामे छड (डन्डी)को भाउ बढ्नुका कारण पेस गर्न डन्डी उद्योगीलाई निर्देशन दिएको छ । डन्डीको भाउ बढेको गुनासो आउन थालेपछि विभागले डन्डी उद्योगीलाई बढ्नुको कारण आवश्यक कागजातसहित उपस्थिति हुन निर्देशन दिएको हो । निर्माण व्यवसायीले मूल्य बढ्यो भन्दै विभागमा उजुरी गरेपछि विभागले मङ्गलबार उद्योगीसँग गरेको छलफलपछि यस्तो निर्देशन दिएको विभागले जनाएको छ ।

खाद्य सुरक्षा ऐन कार्यान्वयनमा ढिलाइ

खाद्य अधिकार तथा खाद्य सम्प्रभुता ऐन–२०७५ संसद्बाट पारित भएको तीन वर्षभन्दा बढी भइसकेको छ । तर, अझै पूर्ण कार्यान्वयनमा आएको छैन । संविधानअनुसार नागरिकको खाद्य, खाद्य सुरक्षा तथा खाद्य सम्प्रभुतासम्बन्धी मौलिक हकलाई कार्यान्वयन गर्नका लागि सरकारले सो ऐन ल्याएको हो । तर, अझै कार्यान्वयनमा आएको छैन ।