‘कोरोना बीमा भुक्तानी चाँडै’

अर्थमन्त्री जनार्दन शर्माले कोरोना बीमाको भुक्तानी तत्कालै सुरु गरिने बताउनुभयो । विभिन्न कारणले समयमै भुक्तानी हुन नसकेको उक्त कोरोना बीमा अब एक÷/दुई दिनमै भुक्तानी प्रक्रिया अगाडि बढाउने उहाँले जानकारी दिनुभयो ।

रुकुम पश्चिममा ३३ केभी क्षमताको विद्युत सवस्टेशन उद्घाटन

जिल्लाको मुसीकोट नगरपालिका वडा नम्बर ३ धैरेनीचौरमा रहेको विद्युत सव स्टेशनको उद्घाटन गरिएको छ । सोमबार उर्जा, जलस्रोत तथा सिंचाई मन्त्री पम्फा भुषाल र अर्थमन्त्री जनार्दन शर्माले संयुक्त रुपमा ३३ केभी क्षमताको उक्त सव स्टेशनको औपचारिक रुपमा उद्घाटन गर्नुभएको हो ।

बुटवल–लुम्बिनी १३२ केभी प्रसारण लाइन निर्माण अन्तिम चरणमा

बुटवल–लुम्बिनी १३२ केभी प्रसारण लाइन निर्माणको काम अन्तिम चरणमा पुगेको छ । भैरहवा–लुम्बिनी क्षेत्रमा विद्युतको अभाव हटाउन ६ वर्षअघि सुरु गरिएको आयोजनाको निर्माण अव पूरा हुने अवस्थामा पुगेको हो । आयोजनाका अनुसार अहिलेसम्म करिब ९५ प्रतिशत प्रगति भएको छ । अहिले मैनहिया सवस्टेशनमा ३० वटा टावर ठड्याइएको छ ।

मदन भण्डारी राजमार्गमा पुल निर्माणले गति लिँदै

निर्माणाधिन मदन भण्डारी राजमार्गमा पुल निर्माणले तीव्रता पाएको छ । उदयपुरको बसाहादेखि हेटौँडा उप–महानगरपालिका–६ चौगडासम्म कुल २५० किलो मिटर लामो उक्त राजमार्गमा रहेका कुल ९६ वटा पक्कि पुलमध्ये ७६ वटा पुल निर्माण सम्पन्न भई सकेको आयोजनाले जनाएको छ । आयोजनाका अनुसार ठेक्का लागेर निर्माण हुन बाँकी २० वटा पुलमध्ये १९ वटा पुल पनि धमाधम भई रहेको छ । कमलामाई नगरपालिका–६ स्थित ग्वाङखोला पुल भने निर्माण हुन सकेको छैन...

यस वर्ष आँपको उत्पादन बढ्ने

आँपको मञ्जर(फूल) मा लाग्ने मधुवा रोगको प्रकोप कम भएकोले यस वर्ष आँप उत्पादन बढी हुने कृषि विकास शाखा लहानले जनाएको छ । हावामा आद्रता कम र तापक्रम बढी भएकोले मञ्जरमा लाग्ने मधुवा रोगको प्रकोप नदेखिएको शाखा प्रमुख प्रकाश साह हलुवाइले जानकारी दिनुभयो ।