साउदी अरबमा एक वर्षमा २२४ श्रमिकले ज्यान गुमाए

साउदी अरबमा रोजगारीमा गएका नेपाली श्रमिकमध्ये पछिल्लो एक वर्षमा मात्र २२४ जनाले ज्यान गुमाएका छन् । सन् २०२१ मा २२४ नेपालीले दुर्घटनालगायत विविध कारणले ज्यान गुमाएको साउदीस्थित नेपाली दूतावासले जनाएको छ । ज्यान गुमाएकामध्ये १८९ जनाको शव स्वदेश ल्याइएको छ भने ३५ जनाको साउदीमै अन्तिम संस्कार गरिएको छ ।

पूर्वी शाखा नहरको ६५ प्रतिशत निर्माण पूरा

बाँकेका किसानका लागि सबैभन्दा बढी महत्त्वको राष्ट्रिय गौरवको आयोजना सिक्टा सिँचाइ आयोजनाको मुख्य बाँधस्थल अगैयादेखि पूर्वी क्षेत्रको ५३ किलोमिटरको पूर्वी शाखा नहर निर्माणको कार्य ६५ प्रतिशत पूरा भएको छ । पूर्वी नहरको ५३ किलोमिटर क्षेत्रमध्ये ३८ किलोमिटर क्षेत्रसम्म नहरका स्ट्रक्चरहरू निर्माण भइसकेको र नहर फिनिसिङको काम भइरहेको सिक्टा सिँचाइ आयोजनाका निर्देशक सन्तोष कैनीले बताउनुभयो ।

वेतन कर्णाली निर्माणको तयारी

कर्मचारी सञ्चय कोषका सञ्चयकर्ताको मुख्य लगानीमा बनाउन खोजिएको वेतन कर्णाली अर्धजलाशययुक्त जलविद्युत् आयोजना निर्माणको तयारी अन्तिम चरणमा पुगेको छ । प्रवद्र्धक कम्पनी ‘वेतन कर्णाली सञ्चयकर्ता हाइड्रोपावर कम्पनी’ले निर्माण अनुमतिका लागि आवेदन गर्ने अन्तिम तयारीमा जुटेको हो । सुर्खेतको चौकुने र अछामको ढकरी गाउँपालिका क्षेत्रमा कर्णाली नदीमा बनाउन प्रस्ताव गरिएको ४३९ मेगावाट क्षमताकोे आयोजनाको निर्माणका...

किसानलाई हाते ट्याक्टर वितरण

लमजुङको क्व्होलासोंथर गाउँपालिकाका किसानलाई हाते ट्याक्टर वितरण गरिएको छ । गाउँपालिकाले कृषिमा यन्त्रीकरण गरी लागत घटाउने र उत्पादन बढाउन किसानलाई हाते ट्याक्टर प्रदान गरेको बताएको छ ।

नेप्सेमा दोहोरो अङ्कको वृद्धि

धितोपत्र बजारमा शेयर कारोबारमापक नेप्से परिसूचक आज दोहोरो अङ्कले उकालो लागेको छ । नेपाल स्टक एक्सचेञ्जका अनुसार नेप्से परिसूचक ५३.३० अङ्कले बढेर दुई हजार ७५४.२८ र ठूला कम्पनीको कारोबारमापन गर्ने सेन्सेटिभ परिसूचक १०.८३ अङ्कले बढेर ५२२.१३ पुगेको छ ।