भेरी अस्पतालमा थप एक जना संक्रमितको मृत्यु

कोरोना संक्रमणबाट भेरी अस्पतालमा विहिबार थप एक जनाको मृत्यु भएको छ । गत तीन दिनमा सो अस्पतालमा उपचाररत चार जना संक्रमितको मृत्यु भएको जिल्ला कोभिड ब्यवस्थापन समिति बाँकेले जनाएको छ ।

सक्रिय संक्रमितको संख्या ९० हजार नाघ्यो , उपत्यकामा मात्रै ५५ हजार

नेपालमा सक्रिय संक्रमितको संख्या ९० हजार नाघेको छ। सबै भन्दा बढी संक्रिय संक्रमित काठमाडौँ उपत्यकाका तीन जिल्लामा रहेका छन्। उपत्यकामा ६१ दशमलव ९६ प्रतिशत सक्रिय संक्रमित छन्। स्वास्थ्य तथा जनसंख्याको तथ्यांक अनुसार नेपालमा संक्रिय संक्रमितको संख्या ९० हजार ६७ पुगेको छ। काठमाडौं उपत्यकामा मात्रै ५५ हजार ८०९ जना संक्रिय संक्रमित छन्। काठमाडौँमा ४० हजार १२, भक्तपुरमा पाँच हजार ७२८, ललितपुरमा १० हजार ६९ छन्।

उपत्यकामा थप ६ हजार १७२ जनामा कोरोना संक्रमण

काठमाडौं उपत्यकामा पछिल्लो २४ घण्टामा ६ हजार १७२ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार काठमाडौं, ललितपुर र भक्तपुर गरेर तीन जिल्लामा गरी ६ हजार बढीमा संक्रमण पुष्टि भएको हो। मन्त्रालयका अनुसार काठमाडौं जिल्लामा चार हजार ८७५, ललितपुर जिल्लामा ७८२ र भक्तपुरमा ५१५ जनामा संक्रमण पुष्टि भएको हो।

थप पाँच हजार ५७१ जना सङ्क्रमित, चार हजार ४३३ निको, पाँचको मृत्यु

पछिल्लो २४ घण्टामा पाँच हजार ५७१ जना कोरोना भाइरसका सङ्क्रमित थपिएका छन् । १३ हजार ५४९ जनामा आरटीपीसीआर परीक्षण गरिएकोमा पाँच हजार ५७१ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । त्यस्तै, छ हजार ८१० जनामा एन्टीजेन परीक्षण गरिएकोमा दुई हजार ८८३ जनामा कोरोना सङ्क्रमण देखिएको छ ।

कोभिडविरुद्धको खोप नलगाउनेको मृत्यु बढी

बाँकेमा गत मङ्सिर २६ गते यता कोभिड सङ्क्रमणबाट चार जनाको निधन भयो । चार जना्मध्ये तीन जनाले कोभिडविरुद्धको खोप नलगाएको जिल्ला कोभिड व्यवस्थापन केन्द्र बाँकेले जनाएको छ ।