टेकु अस्पतालमा खोप अभियान आजदेखि पुनः हुँदै

शुक्रराज ट्रपिकल तथा सरुवा रोग अस्पताल टेकुमा एक हप्ताका लागि स्थगन गरिएको कोरोना भाइरसविरुद्धको खोप अभियान आजदेखि पुनः सञ्चालन हुने भएको छ । अस्पतालका निर्देशक डा मनिषा रावलले काठमाडौँ महानगरपालिका स्वास्थ्य शाखा र नेपाल रेडक्रस सोसाइटीबाट जनशक्ति व्यवस्थापन हुने भएपछि खोप अभियान पुनः सञ्चालन गर्ने बताउनुभयो ।

चालीस लाख मात्र मोडर्ना खोप आउन सुरु

सोमबार थप १६ लाख ६० हजार कोरोनाविरुद्धको मोडर्ना खोप नेपाल आइपुगेको छ । स्वास्थ्य सेवा विभाग आपूर्ति शाखा प्रमुख डा. सुरेन्द्र चौरसियाले सोमबार साँझ १६ लाख ६० हजार मात्रा कोरोनाविरुद्धको मोडर्ना खोप नेपाल आएको जानकारी दिनुभयो । मोडर्ना खोप १८ वर्षमुनिका बालबालिकालाई लगाउन मिल्ने खोप हो ।

उपत्यकामा थप चार हजार ६७६ जनामा सङ्क्रमण

पछिल्लो २४ घण्टामा काठमाडौं उपत्यकामा मात्र चार हजार ६७६ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार काठमाडौंमा ३६ सय ३४, ललितपुरमा ५८७ र भक्तपुरमा ४५५ गरेर ३८ सय ७१ जनामा सङ्क्रमण पुष्टि भएको हो ।

आठ हजार ५४ जना सङ्क्रमित, दुई हजार ५४० निको, चारको मृत्यु

पछिल्लो २४ घण्टामा आठ हजार ५४ जना कोरोना भाइरसका सङ्क्रमित थपिएका छन् । १६ हजार ६५४ जनामा आरटीपीसीआर परीक्षण गरिएकोमा आठ हजार ५४ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

चिसो बढेसँगै बाजुरामा रुघाखोकीका बिरामी बढ्दै

माघको पहिलो सातादेखि अत्यधिक चिसो बढेसँगै बाजुरामा रुघाखोकीका बिरामीहरु बढ्दै गएका छन् । पछिल्लो समय जिल्लामा बढेको अत्यधिक चिसोले यहाँको जनजीवन प्रभावित बन्दै गएको छ । माघको पहिलो सातादेखि मौसममा परिवर्तन भएसँगै उच्च हिमाली भेगमा हिमपात सुरुभएपछि बाजुरामा चिसो बढ्न थालेको हो । जिल्लामा बढ्दै गएको चिसोले गर्दा ज्येष्ठ नागरिक र बालबालिकामा रुघाखोकी, ज्वोरो तथा श्वासप्रश्वास जस्ता समस्या देखिन थालेको छ ।