२४ घण्टामा १० हजार ५२ संक्रमित थपिए : चार जनाको मृत्यु

पछिल्लो २४ घण्टामा १० हजार ५२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २१ हजार ७ जनाको परीक्षण गर्दा आधामा संक्रमण पुष्टि भएको हो । त्यसैगरी ६ हजार चार सय ९० जनाको एन्टिजेन परीक्षण गर्दा २२ सय ८६ जनामा संक्रमण पुष्टि भएको छ । २७ हजार ४९७ जनाको पीसीआर र एन्टिजेन परीक्षण गर्दा १२ हजार ३३८ जनामा संक्रमण पुष्टि भएको छ । 

हप्ता दिनमै अस्पताल भर्ना हुने बिरामी दोब्बर

कोरोना भाइरसको संक्रमण बढेसँगै प्रदेश १ मा उपचारका लागि अस्पताल भर्ना हुने बिरामीको संख्यापनि बढ्न थालेको छ । पछिल्लो एक सातामा उपचारका लागि अस्पताल भर्ना हुने संक्रमितको संख्या दोब्दर भन्दा बढीले वृद्धि भएको छ ।

गुल्मीमा सङ्क्रमण तीव्र, कोरोना परीक्षण प्रयोगशाला बन्द

गुल्मीमा दैनिक रुपमा कोरोना बढ्दो क्रममा छ । गुल्मीका गाउँ बस्तीहरुमा अहिले कोरोना फैलिएको छ । तर, गुल्मीमै रहेको कोरोना परीक्षण प्रयोगशाला भने रकम अभावका कारण बन्द छ । स्थानीय तहहरुले रकमको जोहो गरेर जेनतेन चलाएको कोरोना परीक्षण प्रयोगशाला आर्थिक अभावका कारण बन्द रहेको गुल्मी अस्पतालका प्रमुख डाक्टर उत्तम पच्याले जानकारी दिनुभयो ।

भेरोसेल खोपको मौज्दात कम, कोभिसिल्ड र एस्ट्राजेनिका खोप मात्रै दिइने

सरकारले कोरोनाविरुद्धको पहिलो डोज खोप लगाउने नागरिकले कोभिसिल्ड र एस्ट्राजेनिका खोप मात्रै लगाउने निर्णाय गरेको छ । स्वास्थ्य सेवा विभागको बुधबारको निर्णयानुसार कोरोना भाइरसविरुद्धको पहिलो मात्रा खोप लगाउन आउने सबै नागरिकलाई कोभिसिल्ड र एस्ट्राजेनिका खोप नै लगाउने व्यवस्था मिलाउन निर्देशन दिएको हो ।

औषधि अभाव नहोस् : प्रधानमन्त्री

प्रधानमन्त्री शेरबहादुर देउवाले कोरोना सङ्क्रमण प्रतिरोधात्मक औषधिको अभाव नहुन दिन र ती औषधिको तत्काल व्यवस्थापन गर्न निर्देशन दिनुभएको छ । बुधबार गृहमन्त्री बालकृष्ण खाण र नेपाल सरकारका मुख्य सचिव शङ्करदास बैरागीलाई बालुवाटार बोलाएर उहाँले कुनै पनि औषधिको अभाव हुन नदिन र त्यसका लागि आवश्यक व्यवस्थापन गर्न निर्देशन दिनुभएको हो । प्रधानमन्त्री देउवाले औषधि आपूर्ति तथा व्यवस्थापनका लागि कुनै कसर बाँकी नराख्न...