बागलुङमा नौ दिनमा पन्ध्र गुणा बढी कोरोनाका बिरामी

बागलुङमा कोरोनाको तेस्रो लहर व्यापक रुपमा फैलिएको छ । गत नौ दिन यताको तथ्याङक हेर्ने हो भने यहाँ पन्ध्र गुणा बढी कोरोनाका बिरामी थपिएका छन् । पुस २७ गतेसम्म १६ जनामा सीमित कोरोनाका बिरामी माघ पहिलो हप्ता विहिबारसम्म कोरोनाका सक्रिय बिरामीको संख्या २५० पुगेको छ ।

अपाङ्गता भएकाहरुले खोप लगाउन पाएनन्

धादिङका केही पूर्ण अशक्त र अतिअशक्त अपाङ्गता भएका व्यक्तिहरुले अझै पनि कोरोनाविरुद्धको खोप लगाउन पाएका छैनन् । खोप केन्द्र टाढा भएकोले अरुको सहारा चाहिने अपाङ्गता भएका व्यक्तिहरु खोप लगाउन पाउने अधिकारबाट बञ्चित भएको स्थानीयको भनाई छ ।

मधेस प्रदेशमा सङ्क्रमित संख्या तेब्बर, अस्पताल खाली 

मधेस प्रदेशमा पछिल्लो सात दिनको अवधिमा तीन गुणाले कोरोना संक्रमित बिरामी वृद्धि भएको छ । प्रदेशका जिल्लाहरुमध्ये सबभन्दा बढी धनुषामा ३४७ जना संक्रमित छन । तर, कोभिड अस्पतालमा कोरोना संक्रमित बिरामीको संख्या शून्य जस्तै छ ।

आजबाट सार्वजनिक स्थलमा जाँदा खोप कार्ड अनिवार्य, हराए यसरी निकाल्नुहोस्

आजबाट सार्वजनिक सेवा लिन अनिवार्य रुपमा खोप कार्ड देखाउनुपर्ने नियम लागू भएको छ । सरकारले कोरोना सङ्क्रमणदर बढेपछि सङ्क्रमणलाई नियन्त्रण गर्न शुक्रबारदेखि सार्वजनिक स्थलमा प्रवेश गर्न र सेवा लिनका लागि खोप कार्ड देखाउनुपर्ने नियमलाई लागू गरेको हो । कार्यालय, होटल, फिल्म हल, रंगशाला, हवाईयात्रा गर्दा कोरोनविरुद्धको खोप लगाएको कार्ड वा फोटो अनिवार्य रुपमा देखाएर मात्रै प्रवेश गर्न पाइने छ ।

दलका धेरै नेतामा कोरोना संक्रमण, राजनीतिक कार्यक्रममा नजान सुझाव

देशका शीर्ष राजनीतिक दलका नेताहरुमा कोभिड–१९ संक्रमण देखिने क्रम बढ्दो छ । पाँच दलीय सत्ता गठबन्धनको नेतृत्व गर्दै आएको नेपाली काँग्रेसका महामन्त्री विश्वप्रकाश शर्मालाई माघ ५ गते बुधबार कोभिड–१९ पुष्टि भयो । शर्माको स–परिवार कोभिड–१९ बाट संक्रमित हुनुभएको छ । यसैगरी काँग्रेसका नेताहरु डा. प्रकाशरण महत, डा. डिला संग्रौला संक्रमित हुनु भएपछि उहाँहरु होम आइसोलेसनमा रहनुभएको छ ।