२४ घण्टा नौ हजार ५०२ नयाँ सङ्क्रमित थपिए, चार जनाको मृत्यु

नेपालमा कोरोना सङ्क्रमण हालसम्मकै धेरै पुष्टि भएको छ । पछिल्लो २४ घण्टामा नौ हजार ५०२ जना कोरोना भाइरसका सङ्क्रमित थपिएका छन् । १८ हजार ७८ जनामा आरटीपीसीआर परीक्षण गरिएकोमा नौ हजार ५०२ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

स्वास्थ्यकर्मीनै संक्रमित भएपछि सीमा क्षेत्रमा कोरोना जाँच प्रभावित

सीमा नाकाहरूमा राखिएका हेल्थ डेस्कका स्वास्थ्यकर्मी आफैं संक्रमणको चपेटामा परेपछि लुम्बिनी प्रदेशका विभिन्न नाकामा कोरोना जाँच प्रभावित भएको छ । प्रदेशका चार ठूला नाकामा खटिएका प्रयोगशालातर्फका कर्मचारी कोरोना संक्रमित भएसँगै जनशक्ति अभाव भएको हो ।

कोभिड सङ्क्रमितको संख्या बढे पनि सीमाक्षेत्रमा छैन कडाइ

सिरहा जिल्लामा कोभिड सङ्क्रमितहरुका संख्या बढे पनि नेपाल भारतीय सीमा क्षेत्रमा सीमापारिबाट आउनेलाई प्रभावकारी जाँच नगर्दा यसले जोखिम हुने देखिएको छ ।

माघ तेस्रो साता सङ्क्रमण उच्च पुग्ने, १३ हजार अस्पताल भर्ना हुने

सरकारले नेपालमा कोरोना सङ्क्रमणको तेस्रो लहर माघ महिनाको तेस्रो साता उच्च विन्दुमा पुग्ने अनुमान गरेको छ । माघको तेस्रो साता नेपालमा दैनिक सङ्क्रमितको सङ्ख्या २० हजारभन्दा बढी हुनसक्ने पीसीआर विधिको आधारमा अनुमान सरकारले गरेको इपिडिमियोलोजी तथा रोग नियन्त्रण महाशाखाका निर्देशक डा.कृष्ण पौडेलल जानकारी दिनुभयो ।

बैतडीमा सङ्क्रमित बढ्दै

पछिल्लो समय जिल्लामा कोरोना सङ्क्रमित बढ्दै गएका छन् । भारतमा सङ्क्रमण बढ्दै गएकोले यसको प्रभाव यहाँ पनि परेको हो । स्वास्थ्य कार्यालयका प्रमुख योगेशप्रसाद भट्टका अनुसार प्रदेशको पहाडी जिल्लामध्ये सबैभन्दा बढी जोखिममा बैतडी छ । उहाँले भन्नुभयो,“भारतसँग सीमा जोडिएकोले जिल्ला पनि उच्च जोखिममा छ ।” हाल जिल्लामा सक्रिय सङ्क्रमितको सङ्ख्या ४६ पुगिसकेका छन् ।