सक्रिय सङ्क्रमितको सङ्ख्या ६५ हजार नाघ्यो, उपत्यकामा मात्रै ४२ हजार

नेपालमा सक्रिय सङ्क्रमितको सङ्ख्या ६५ हजार नाघेको छ । स्वास्थ्य तथा जनसङ्ख्या मन्त्रालयको तथ्याङ्क अनुसार नेपालमा सङ्क्रमितको सङ्ख्या ६५ हजार ३७४ पुगेको छ । उपत्यकाका तीन जिल्लामा मात्र सक्रिय सङ्क्रमितको सङ्ख्या ४२ हजार ५६ रहेका छन् । काठमाडौं जिल्लामा मात्र सक्रिय सङ्क्रमितको सङ्ख्या ३० हजार ६८८ पुगेको छ । ललितपुरमा सात हजार १४५ र भक्तपुरमा चार हजार २२३ सक्रिय सङ्क्रमित रहेका छन् ।

उपत्यकामा थपिए पाँच हजार ९९ सङ्क्रमित, सक्रिय सङ्क्रमित ४२ हजार

काठमाडौं उपत्यकामा मात्र २४ घण्टामा पाँच हजार २९९ सङ्क्रमित थपिएका छन् । स्वास्थ्य तथा जनसङ्ख्या मन्त्रालयका अनुसार काठमाडौंमा चार हजार २७९, लतिपुरमा ५६७ र भक्तपुरमा ४५३ जनामा सङ्क्रमण पुष्टि भएसँगै उपत्यकामा पाँच हजार २९९ जनामा सङ्क्रमण पुष्टि भएको हो ।

स्वास्थ्यकर्मी नै संक्रमित भएपछि अस्पतालको ओपिडी सेवा बन्द

म्याग्दी सदरमुकाम बेनीमा रहेको बेनी अस्पतालमा कार्यरत स्वास्थ्यकर्मीमा कोरोना भाइरसको संक्रमण भएपछि आइतबारदेखि ओपिडी सेवा बन्द हुनेभएको छ । हिमाली जिल्ला म्याग्दीको एक मात्र सरकारी अस्पताल बेनी अस्पतालका १७ जना स्वास्थ्यकर्मी तथा कर्मचारीमा कोरोना भाइरसको संक्रमण पुष्टि भएको बेनी अस्पतालले जनाएको छ ।

२४ घण्टामा आठ हजार ८१५ जना नयाँ सङ्क्रमित थप, तीनको मृत्यु

पछिल्लो २४ घण्टामा आठ हजार ८१५ जना कोरोना भाइरसका सङ्क्रमित थपिएका छन् । १८ हजार ६१८ जनामा आरटीपीसीआर परीक्षण गरिएकोमा आठ हजार ८१५ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

पाँच जना स्वास्थ्यकर्मीसहित आठ जनामा कोरोना सङ्क्रमण पुष्टि

कोरोना सङ्क्रमणका हिसावले सात महिनासम्म ग्रीनजोन रहेको जिल्लामा पूनः सङ्क्रमण देखिन सुरु भएको छ । शुक्रबार जिल्ला अस्पतालमा एन्टिजेन किटबाट कोरोना परिक्षण गर्दा आठ जनामा कोरोना पुष्टि भएको हो ।