स्वास्थ्य मन्त्रीद्वारा कोभिड विशेष अस्पतालकाे निरीक्षण

नेपाल सरकार स्वास्थ्य तथा जनसंख्यामन्त्री विरोध खतिवडाले जनकपुरधामस्थित कोभिड विशेष अस्पतालको निरीक्षण गर्नुभएको छ । मधेश प्रदेशको राजधानी जनकपुरधामस्थित मधेस स्वास्थ्य विज्ञान प्रतिष्ठानद्वारा सञ्चालित कोभिड विशेष अस्पतालको मंगलबार स्वास्थ्य तथा जनसंख्यामन्त्री खतिवडाको टोलीले अनुगमन तथा निरीक्षण गरेको हो । उहाँले निरीक्षणका साथै अस्पताल र स्वास्थ सम्बन्धी विशेष छलफल गर्नुभयो ।

२४ घण्टामा थप आठ हजार ७३० जना सङ्क्रमित, एकको मृत्यु

पछिल्लो २४ घण्टामा आठ हजार ७३० जना कोरोना भाइरसका सङ्क्रमित थपिएका छन् । १७ हजार ८७२ जनामा आरटीपीसीआर परीक्षण गरिएकोमा आठ हजार ७३० जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

ललितपुरमा फ्रन्टलाइनर र ज्येष्ठ नागरिकका लागि खोप केन्द्र ताेकियाे

स्वास्थ्य कार्यालय ललितपुरले आजबाट विभिन्न ३० स्थानबाट कोभिडविरुद्धको बुस्टर डाेज खोप दिने भएको छ । स्वास्थ्य कार्यालयले सोमबार सूचना प्रकाशित गर्दै ललितपुर महानगरपालिका र अन्य पालिकामा फ्रन्टलाइनर र ज्येष्ठ नागरिकका लागि खोप लगाउन खोप केन्द्र तोकिएको छ ।

वीरगञ्ज इजलासका २३ जनामा कोरोना संक्रमण

उच्च अदालत जनकपुरको वीरगञ्ज इजलासका न्यायाधीशसहित २३ जनामा कोरोना संक्रमण पुष्टि भएको छ । उच्च अदालत जनकपुरको वीरगञ्ज इजलासका प्रशासन शाखा अधिकृत जयनारायण रायले सोमबार सूचना जारी गर्दै न्यायाधीशसहित २३ जना कर्मचारीहरुमा कोरोना संक्रमण पुष्टि भएको बताउनुभयो ।

सक्रिय सङ्क्रमितको सङ्ख्या ३० हजार नाघ्यो

नेपालमा सक्रिय सङ्क्रमितको सङ्ख्या ३० हजार नाघेको छ । स्वास्थ्य तथा जनसङ्ख्या मन्त्रालयको तथ्याङ्क अनुसार नेपालमा सङ्क्रमितको सङ्ख्या ३० हजार ८७७ पुगेको छ । सक्रिय सङ्क्रमितमध्ये २९ हजार ७०५ जना होम आइसोलेसन रहेका छन् । त्यस्तै मन्त्रालयका अनुसार एक हजार १७२ जना सङ्स्थागत आइसोलेसन रहेका छन् । सक्रिय सङ्क्रमितमध्ये आइसियूमा १३९ र भेन्टिलेटरमा २६ जना उपचाररत छन् ।