अष्ट्रेलियाका प्रधानमन्त्रीलाई कोभिड–१९ पोजेटिभ

अष्ट्रेलियाका प्रधानमन्त्री स्कट मोरिसनलाई कोभिड–१९ सङ्क्रमण देखिएको छ । उहाँले मङ्गलबार आफूलाई कोभिड–१९ सङ्क्रमण देखिएको बताउनुभएको हो । उहाँले मङ्गलबारको परीक्षणबाट आफूलाई कोभिड-१९ देखिएको बताउनुभएको कुरा उहाँको आधिकारिक वेभसाइटमा मंगलबार उल्लेख गरिएको छ ।

युक्रेन आक्रमणमा पाँचसय ३६ जनाको मृत्यु : संयुक्त राष्ट्र संघ

युक्रेन आक्रमणमा परी पाँचसय ३६ जनाको ज्यान गएको संयुक्त राष्ट्र संघले जनाएको छ ।

श्रीलङ्काद्वारा रुस र युक्रेनका पर्यटकको भिसा अवधि थप

श्रीलङ्काले आफ्नो देशमा रहेका रुस र युक्रेनका पर्यटकहरुको भिसाको म्याद थप्ने निर्णय गरेको छ । उनीहरु अहिले आफ्नो देशमा फर्किने अवस्था नरहेकाले उनीहरुको भिषाको अवधि दुई महिना थप गरिएको सरकारी अधिकारीहरुले जनाएका छन् ।

करिब ४० देखि ७५ प्रतिशत रुसी सेना युक्रेनमा प्रवेश

युक्रेनमा आक्रमण गर्न अध्याधिक मात्रामा रुसी सेना प्रयोग भैरहेको सैनिक एकेडेमीले दाबी गरेको छ । रोयल युनाइटेड सर्भिस इन्स्टिच्यूतका अनुसार करिब ४० देखि ७५ प्रतिशत रुसी सेना युक्रेनमा प्रवेश गरेका छन् ।

भारतमा थप झण्डै सात हजार नयाँ सङ्क्रमित

भारतमा कोरोनाभाइरसबाट दैनिक सङ्क्रमितहरुको सङ्ख्या दिनप्रति दिन घट्दै गइरहेको छ । सरकारी अधिकारीहरुले मङ्गलबार दिएको जानकारीअनुसार पछिल्लो २४ घण्टामा छ हजार ९१५ जना नयाँ सङ्क्रमित भएका हुन् ।