दलका धेरै नेतामा कोरोना संक्रमण, राजनीतिक कार्यक्रममा नजान सुझाव

देशका शीर्ष राजनीतिक दलका नेताहरुमा कोभिड–१९ संक्रमण देखिने क्रम बढ्दो छ । पाँच दलीय सत्ता गठबन्धनको नेतृत्व गर्दै आएको नेपाली काँग्रेसका महामन्त्री विश्वप्रकाश शर्मालाई माघ ५ गते बुधबार कोभिड–१९ पुष्टि भयो । शर्माको स–परिवार कोभिड–१९ बाट संक्रमित हुनुभएको छ । यसैगरी काँग्रेसका नेताहरु डा. प्रकाशरण महत, डा. डिला संग्रौला संक्रमित हुनु भएपछि उहाँहरु होम आइसोलेसनमा रहनुभएको छ ।

उपत्यकामा शुक्रबारबाट निजी तथा भाडाका सबै सबारी जाेर बिजाेर

उपत्यकामा भाेलि शुक्रबारबाट लागु हुने गरी निजी तथा भाडाका सबै सवारी साधान जाेर विजेर चलाउन पाउने भएकाे छ ।

लोक सेवाका लिखित परीक्षा माघ मसान्तसम्म स्थगित

लोक सेवा आयोगले लिखित परीक्षा स्थगित गरेको छ । बिहीबार बसेको आयोगको बैठकले माघ ११ देखि माघ मसान्तसम्मका लागि लिखित परीक्षाहरु स्थगित गर्ने निर्णय गरेको हो ।

त्रिविका वार्षिक र सेमेस्टर प्रणालीका सबै परीक्षा स्थगित

त्रिभुवन विश्वविद्यालयले वार्षिक र सेमेस्टर प्रणालीका सबै परीक्षा स्थगित गरेको छ ।  बिहीबार परीक्षा नियन्त्रण कार्यालयले एक सूचना जारी गर्दै यही माघ ९ गतेदेखि अर्को सूचना प्रकाशित नभएसम्मका लागि सबै परीक्षाहरु स्थगित गर्ने निर्णय गरेको हो ।

जहाज आकाशमा होल्ड हुँदा आत्तिएर एक यात्रु बेहोस, अवस्था सामान्य

नेपालगञ्ज विमानस्थलको मौसम खराब हुँदा काठमाडौबाट नेपालगञ्ज आएको बुद्ध एअरको विमान अवतरण गर्न नसकेर हावामा होल्ड गरिएपछि आत्तिएर एक जना महिला यात्रु बेहोस हुनुभएको छ । उहाँ सामान्य उपचार पछि घर फर्कनु भएकाे छ ।