नेपाली नर्स बेलायत लग्नेबारे औपचारिक वार्ता भोलि

 नेपाली नर्सलाई बेलायतमा रोजगारीको अवसर दिनेबारे बेलायत र नेपालबीच औपचारिक वार्ता भोलि (शुक्रबारदेखि) शुरु हुने भएको छ । नेपाल र बेलायत सरकारले गठन गरेको वार्ता टोलीले शुक्रबारदेखि औपचारिक रुपमा नर्स बेलायत लैजानेबारे छलफल गर्न लागेको श्रम,रोजगार तथा सामाजिक सुरक्षा मन्त्रालयका प्रवक्ता डण्डुराज घिमिरेले बताउनुभयो ।

नारायणहिटी जग्गा भाडा प्रकरण : कार्यकारी निर्देशक दाहालद्वारा राजीनामा

नारायणहिटी दरबार सङ्ग्रहालय तथा गणतन्त्र स्मारक व्यवस्थापन तथा सञ्चालन समितिका कार्यकारी निर्देशक भेषनारायण दाहालले राजीनामा दिनुभएको छ । नारायणहिटी दरबार परिसरको जग्गा बतास समूहलाई ठेक्कामा दिएको विषयमा छानविन गर्न मन्त्रालयले बनाएको समितिले सोमबार मात्र कार्यकारी निर्देशक दाहालाई कारबाही गर्न सिफारिस गरेको थियो ।

बाघ नियन्त्रण गर्न खटियो प्राविधिक टोली

बाँकेको राप्तीसोनारी गाउँपालिका क्षेत्रमा आतङ्क मच्चाइरहेको मान्छे खाने बाघ नियन्त्रण गर्न प्राविधिक टोली खटिएको छ ।

माघे सङ्क्रान्तिमा लाग्ने माई(कन्काई)मेला नगर्ने निर्णय

कोरोना सङ्क्रमणदर बढ्न थालेपछि र गृह मन्त्रालयले २५ जना भन्दा बढी भेला हुने कार्यक्रमहरु नगर्नका लागि सार्वजनिक अपिल गरेपछि प्रत्येक वर्ष माघे संक्रान्तिमा लाग्ने माई(कन्काई)मेला नगर्ने निर्णय भएको छ ।

सीआईबीकाे अनुसन्धान प्रतिवेदन फिर्ता, हदम्यादले मुद्दा नराेकिने

ललिता निवास जग्गा प्रकरणमा नेपाल प्रहरीको केन्द्रिय अनुसन्धान ब्यूरो (सीआइबी) ले गरेको किर्तेसम्बन्धी अनुसन्धान प्रतिवेदन जिल्ला सरकारी वकिल कार्यालय काठमाडौंले फिर्ता गरिदिएको छ ।