काँग्रेसद्वारा स्वतन्त्र सेनानी परिवारलाई सहयोग

नेपाली कांग्रेस कपिलबस्तले स्वतन्त्र सेनानी परिवारलाई एक लाख रुपियाँ सहयोग गरेको छ । बैंकबाट लिएको ऋण तिर्न नसकेर घर लिलामी प्रक्रियामा जानबाट जोगाउन काँग्रेसले सो सहयोग गरेको हो । कपिलवस्तु नगरपालिका १ मस्जिद टोलका स्वतन्त्रता सेनानी स्वर्गीय अब्दुल रंगरेजको परिवारलाई सहयोग गरेको हो । रंगरेजका छोरा जावेदलाई तौलिहवास्थित काँग्रेसले पार्टी कार्यालयमा सो रकमको चेक हस्तान्तरण गरेको हो ।

बीस गोही राप्तीमा छाडियो

चितवन राष्ट्रिय निकुञ्जको कसरास्थित गोही प्रजनन केन्द्रमा हुर्काइएका २० घडियाल गोही आज कसरास्थित राप्ती नदीमा छाडिएको छ । दुई भाले र १८ पोथी गोही नदीमा छाडिएको हो । यीसँगै यस वर्ष १०७ गोही नदीमा छाडिएको हो ।

गुल्मीको दर्लिङमा पहिलोपटक बस पुग्यो

गुल्मीको मालिका गाउँपालिका–३ दर्लिङमा पहिलोपटक बस पुगेको छ । बुटबलबाट आएको पश्चिम नेपाल बस व्यवसायी प्रालिको लु१ख ५७९७ नंको बस गाउँपालिका–१ नेटा र वडा नं २ ह्वाङ्दी हुँदै बिहीबार दर्लिङ पुगेको हो ।

पुल निर्माण भएपछि स्थानीय खुशी

हुलाकी सडकमा पर्ने सिरहा–सप्तरीको सीमाना रहेको बलान नदीमा पुल निर्माण भएपछि दुबै जिल्लाको स्थानीयहरु खुशी भएका छन् । पुल निर्माण कार्य सम्पन्न भएपछि लोड जाँच समेत गरिएको छ ।

विपन्न ३० घरधुरीलाई खाद्यान्न सहयोग

नारायण नगरपालिका –१ कुई काना रातिमाटेमा बस्ने ३० घर दलित विपन्न परिवारलाई खाद्यान्न सहयोग गरिएको छ । मुगु जिल्ला खत्याड गाउँपालिका –३ बस्ने समाजसेवी युवा अनिल बानियाँको पहलमा खाद्यान्न सहयोग गरिएको हो ।