नेपालगञ्ज उपमहानगरको मेयरमा दर्जनभन्दा बढीको दाबी

वैशाख ३० गते हुने स्थानीय तहको निर्वाचनमा पश्चिम नेपालको प्रमुख केन्द्र नेपालगञ्ज उपमहानगरको मेयर पदका लागि दर्जन बढी नेताहरुले आफ्नो दावेदारी प्रस्तुत गर्नुभएको छ । सो पदको लागि टिकट पाउन उहाँहरुको दौडधुपमा बढेको छन् । उम्मेदवारी मनोनयनको मिति नजिकिँदै जाँदा मुख्य दलहरुबाट उम्मेदवार बन्न चाहनेहरुले शक्तिकेन्द्रहरु धाउन थालेका छन् ।

एघार पालिकामा गठबन्धन गर्ने निर्णय

स्थानीय तहको निर्वाचनमा गठबन्धन दलले गठबन्धन गर्ने निर्णय गरेका छन् । दैलेखमा क्रियाशील चार राजनीतिक दलले आसन्न स्थानीय तह चुनावमा गठबन्धन गर्ने निर्णय गरेका हुन । नेपाली काँग्रेस, नेकपा (माओवादी केन्द्र), नेकपा (एकीकृत समाजवादी) र राष्ट्रिय जनमोर्चाले दैलेखको ११ वटै स्थानीय तहमा गठबन्धन गरेर निर्वाचनमा जाने सहमति गरेका छन् ।

आचारसंहिता लागु हुनुपूर्व नगरप्रमुख शाहद्वारा सरकारी गाडी फिर्ता

कपिलवस्तुको कृष्णनगर नगरपालिकाका नगरप्रमुख रजतप्रताप शाहले आफूले चढ्दैआएको सरकारी गाडी फिर्ता गर्नुभएको छ । निर्वाचन आचारसंहिता लागु हुनुपूर्व नै आफूले चढ्दै आएको सरकारी गाडी उहाँले फिर्ता गर्नुभएको हो । सेतो प्लेटको लु १ झ ३९८ नम्बरको स्कारपियो गाडी शाहले नगरपालिकालाई फिर्ता गर्नुभयो ।

हराइरहेका बालकको शव सेफ्टी ट्याङ्कीभित्र फेला

सर्लाहीको गम्हरियामा पाँच दिनदेखि हराइरहेको एक बालकको शव बिहीबार बिहान छिमेकीको सौचालयको सेफ्टी ट्याङकीभित्र फेला परेको छ । सदरमुकाम मलङ्गवा नगरपालिका –१२ गम्हरिया निवासी जीतेन्द्र ठाकुरको छोरा १० वर्षीय मिठू भन्ने आकाश ठाकुरको शव छिमेकीको सेफ्टी ट्याङकीबाट बरामद भएको हो ।

पाल्पामा पाँचदलीय गठबन्धन गरेर निर्वाचनमा जाने निर्णय

जिल्लामा क्रियाशील पाँच दलले आगामी वैशाख ३० गते हुने स्थानीय तहको निर्वाचनमा आपसी गठबन्धनसहित अगाडि बढ्ने निर्णय गरेका छन् । सरकारमा सहभागी रहेका नेपाली काङ्ग्रेस, नेकपा (माओवादी केन्द्र), नेकपा (एकीकृत समाजवादी), राष्ट्रिय जनमोर्चा तथा जनता समाजवादी पार्टीले स्थानीय निर्वाचनमा गठबन्धन गरी अगाडि बढ्ने निर्णय गरेका हुन् ।