नेपालमा काेराेना सङ्क्रमणदर ओरालो लाग्दै

नेपालमा कोराेना सङ्क्रमणदर घट्दो क्रममा रहेको छ । एक सातामा कोरोना सङ्क्रमणदर १६ प्रतिशतले घटेको स्वास्थ्य मन्त्रालयले जनाएको छ । आइतबारको मन्त्रालयको प्रेस ब्रिफिङमा मन्त्रालयका सहप्रवक्ता डा.समीरकुमार अधिकारीले अघिल्लो साता भन्दा यो साता १६.१ प्रतिशतले संक्रमणदर घटेको जानकारी दिनुभयो ।

परियोजना पुनर्निर्माणपछि लुलाङमा बिजुली बल्यो

पाँचमहिना अघि बाढीले क्षति पु¥याएको धवलागिरि गाउँपालिका २ लुलाङको लघु जलविद्युत परियोजना पुनर्निर्माण गरिएपछि गाउँमा बिजुली बलेको छ ।

सल्यानमा अस्पताल निर्माणका लागि १८ रोपनी जग्गा निःशुल्क दान

बनगाड कुपिण्डे नगरपालिकामा सुविधा सम्पन्न १५ शैय्याको अस्पताल निर्माणका लागि स्थानीयले डेढ विगाहा जग्गा निःशुल्क प्रदान गरेका छन् । नगरपालिकाको वडा १ अम्राका २३ घरपरिवारले निःशुल्क जग्गा दान गरेका हुन् । जग्गा दाता मोतीलाल बुढाले करोडौं मूल्य बराबरको अन्नबाली लगाउने जग्गा अस्पताल निर्माणका लागि दान दिएको बताउनुभयो ।

डिजिटल नेटवर्किङ कारोबारमा प्रहरीको निगरानी : सूचना दिन आग्रह

नेपालमा प्रतिबन्धित रहेको क्रिप्टोकरेन्सी, हाइपरफण्ड तथा डिजिटल नेटवर्किङको कारोबार गर्नेको सूचना दिन प्रहरीले आग्रह गरेको छ। प्रहरी प्रधान कार्यालय केन्द्रीय अनुसन्धान ब्यूरोले गैरकानुनी कारोबारमाथि निगरानी भइरहेको भन्दै सर्वसाधारणलाई यस्तो अनुरोध गरेको हो।

न्याय सेवाका शाखा अधिकृतलाई तालिम

न्याय सेवाअन्तर्गत नवप्रवेशी शाखा अधिकृतका लागि आइतबारदेखि सेवा प्रवेश तालिम सुरु भएको छ। न्याय सेवा तालिम केन्द्रको आयोजनामा आइतबार कानुन, न्याय तथा संसदीय मामिलामन्त्री दिलेन्द्रप्रसाद बडूले तालिम उद्घाटन गर्नुभयो। मन्त्री बडूले न्याय सेवाअन्तर्गत न्याय, कानुन र सरकारी वकिल समूहमा प्रवेश गरेका शाखा अधिकृतलाई बधाई तथा शुभकामना दिनुहुँदै उच्च मनोबलका साथ सेवा प्रवेश गर्न आग्रह गर्नुभयो। सार्वजनिक सेवामा...