दैनिक मजदुरी गर्ने जिविकोपार्जन गर्ने व्यक्तिलाई खाद्यान वितरण

सल्यानको शारदा नगरपालिकाले दैनिक मजदुरी गर्ने जिविकोपार्जन गर्ने व्यक्तिलाई खाद्यान वितरण गरेको छ । दैनिक ज्यालादारी गर्ने र निम्न आर्थिक अवस्था भएका परिवारहरुको पहिचान गरी खाद्यान्न वितरण शुरु गरिएको छ । नगरपालिकाले एकसय १० जनालाई खाद्यान्न राहत उपलब्ध गराएको जनाएको छ ।

असिनापानीले तरकारी र फलफूल बालीमा क्षति

पोखरा र आसपासमा बुधवार दिउँसो परेको असिना पानीले तरकारी र फलफूल बालीमा क्षति पु-याएको छ । दिउँसो एक बजेदेखि लगभग आधा घण्टासम्म हावा हुरी सहित परेको असिना पानीले यहाँको लेखनाथको केही स्थान सहित तरकारीको पकेट क्षेत्र मालेपाटन, मासवास तथा घारीपाटन, रातोपैह्रा विरौटा, भरतपोखरी, निर्मलपोखरी लगायतका स्थानमा लगाइएको तरकारी बालीमा ठूलो पु-याएको हो ।

लकडाउनले गाउँ फर्केका युवकयुवती मेलापातमा

कालीगण्डकी गाउँपालिका–६ का निशा न्यौपानेको दैनिकी यतिबेला फेरिएको छ । बुटवल वाणिज्य क्याम्पसमा बीबीएस चौथो वर्षमा अध्ययनरत न्यौपाने गाउँ फर्किएपछि घरपरिवारमा व्यस्त हुनुभएको छ । बुटवल डेरामा बस्दा कलेज समयमा कलेज जाने आउने र त्यसपछि डेरामै अध्ययन गरेर बस्ने गरेकी निशा गाउँ आएपछि घरपरिवारसँगै मेलापात गरेर बित्ने गरेको छ ।

कोरोनाका कारण जिल्लामा दिइएन पशुबलि

कोरोना भाइरसको सङ्क्रमण फैलिन नदिन सरकारले गरेको लकडाउनका कारण जिल्लामा बुधबार चैते अष्टमीका दिन कुनै पनि भगवतीका मन्दिरमा पशुबलि चढाइएन । केही मन्दिरमा एक÷दुई पुजारीले सामान्य पूजाआजा गरे पनि अन्य मन्दिरमा गत वर्षको जस्तो पूजापाठ र भिड लागेन ।

११३ घरलाई खाद्यान्य वितरण

कलैया उपमहानगरपालिका–४ मा बुधबार ११३ घरलाई खाद्यान्य वितरण गरिएको छ । कोरोना भाइरसको सङ्क्रमणसँगै जिल्लामा भएको लकडाउनले मजदुरी गर्ने व्यक्ति, दलित र अति विपन्न वर्गलाई जीवनयापन गर्न अप्ठ्यारो भएकाले सात दिनका लागि वडामा रहेका ११३ घरलाई चामल, दाल, आलु, नुन र साबुन प्रदान गरिएको वडाध्यक्ष जटाशङ्कर सहनीले जानकारी दिनुभयो ।