वासिङ्टन, जेठ ३१ गते। अमेरिकाको राष्ट्रपति पदका लागि डेमोक्र्याटको तर्फबाट जो बाइडेनले प्रतिश्पर्धा गर्ने निश्चित भएपनि उपराष्ट्रपतिमा अझै पनि धेरै जना आकांक्षी रहेका छन् । ती आकांक्षीहरूको नामावलीलाई साघुँरो बनाउने कार्य भइरहेको पार्टीका नेताहरूले जानकारी दिएका छन् ।
पूर्वउपराष्ट्रपतिसमेत रहनुभएका बाइडेनको समूहबाट उपराष्ट्रपतिमा प्रतिस्पर्धा गर्नका लागि धेरै नेताहरूले आकांक्षा देखाएका छन् । आकांक्षीहरूको सूचीमा धेरै अफ्रिकी मूलका अमेरिकी महिलाहरूसमेत रहेका थिए । आकांक्षीहरूलाई मिलाउनका लागि बनाइएको सर्च कमिटिले आकांक्षीहरूसँग पटकपटक छलफल गरेर उम्मेदवारहरूको सङ्ख्या घटाउने प्रयास र प्रक्रियाहरू भइरहेको जनाएको छ ।
प्रारम्भिक अन्तर्वार्ताहरू र छ चरणको प्रक्रिया गरिएको उनीहरूको भनाइ छ ।
यति प्रक्रिया गर्दासम्म मस्साचुसेट्सको एलिजाबेथ वारेन, क्लालिफोर्नियाको कमाल हरिससँगै तात्कालीन राष्ट्रपति बाराक ओबामाका राष्ट्रिय सुरक्षा सल्लाहकार सुसन राइस आकांक्षीको सूचीमा हुनुुहुन्छ ।
अमेरिकामा यसै वर्षको अन्त्यतिर हुने निर्वाचनका लागि दल तथा नेताहरूले चुनावी कसरतलाई तीव्रता दिएका छन् ।
२०८१ मंसिर ७ शुक्रवार
