पेरुमा दुई पोत जुध्दा २० जनाको मृत्यु

पेरुको नदीमा दुई पोत आपसमा जुध्दा कम्तीमा २० जनाको मृत्यु भएको छ । उक्त दुर्घटनामा थप ५० जना हराइरहेका छन् । पेरुको लोरेटो क्षेत्रमा रहेको हुएल्लागा नदीमा दुई पोत आपसमा जुधेको हो । भारी तुवाँलो लागेको अवस्थामा दुर्घटना भएको हो ।

४५ लाख सङ्क्रमितको मृत्यु, २१ करोड ६३ लाख सङ्क्रमित

विश्वभरि कोरोना सङ्क्रमणबाट मृत्यु हुनेको संख्या ४५ लाख नाघेको छ । अमेरिकाको जोन हप्कीन्स विश्वविद्यालयका अनुसार कोरोना सङ्क्रमणबाट हालसम्म विश्वभरि ४५ लाख ब्यक्तिको मृत्यु भएको छ । सोमबार अपरान्हसम्मको तथ्याङ्क बमोजिम हालसम्म २१ करोड ६३ लाख ५६ हजार ४६ जना कोरोनाभाइरसबाट सङ्क्रमित भएका छन् । गत् मार्च २०२० मा कोभिड १९ विश्वभरि महामारीको रुप लिएको थियो । हालसम्म अमेरिकामा मात्रै तीन करोड ८७ लाख सङ्क्रमित भएका...

अफगान सीमा नजिक आक्रमणमा दुई पाकिस्तानी सेनाको मृत्यु

अफगानिस्तान भूभागबाट गरिएको गोली प्रहारको घटनामा दुई जना पाकिस्तानी सेनाको मृत्यु भएको छ । तालिबानले १५ दिन अघि काबुल नियन्त्रणमा लिएपछि अफगान भूमिबाट गोलि फायरिङमा पाकिस्तानी सेनाको मृत्यु भएको यो पहिलो घटना हो । पाकिस्तान सेनाले आक्रमणको जवाबमा चलाइएको कारबाहीमा दुई वा तीन आक्रमणकारीको मृत्यु भएको जनाएको छ । घटना भएको क्षेत्रमा सञ्चारकर्मी वा मानव अधिकारकर्मीको पहुँचमा रोक लगाइएको छ ।

काबुल विमानस्थलमा पाँच वटा रकेट आक्रमण विफल तुल्याइयो

अमेरिकाको नियन्त्रणमा रहेको काबुल विमानस्थलमा गरिएको रकेट आक्रमणको प्रयास अमेरिकी उपकरणले विफल तुल्याएको छ । अमेरिकाले सोमबार बिहानसम्म पाँच पटक रकेट आक्रमणको प्रयास गरिएपनि सबै विफल तुल्याइएको जनाएको छ । अमेरिकी अधिकारीहरुले रोयटर्ससँगको कुराकानीमा आक्रमणमा कुनै क्षति नभएको बताउनुभएको छ । एक सबारीको पछाडिबाट लुकेर रकेट प्रहार गरिएको अफगान सञ्चारमाध्यमहरुले जनाएका छन् । हालसम्म उक्त आक्रमणको कुनै पनि समूहले...

भारतमा ४२ हजार सङ्क्रमित थपिए

भारतमा गएको चौबीस घण्टामा ४२ हजार ९०९ जना सङ्क्रमितको पहिचान गरिएको छ । थपिएका सङ्क्रमितमध्ये सबैभन्दा बढी केरला राज्यका २९ हजार ८३६ जना छन् । भारतको केन्द्रीय स्वास्थ्य तथा परिवार कल्याण मन्त्रालयका अनुसार हालसम्म तीन करोड २६ लाख ९५ हजार ३० जना सङ्क्रमित भएका छन् । गएको चौबीस घण्टामा ३८० जना सङ्क्रमितले ज्यान गुमाएका छन् । हालसम्म चार लाख ३८ हजार २१० जनाको मृत्यु भएको समाचार संस्था एएनआईले उल्लेख गरेको छ । केरलामा...