हवाई आक्रमणमा ४५ तालिबानी र तीन अल कायदा लडाकू मारिए

अफगानिस्तान सेनाको हवाई आक्रमणमा कम्तिमा ४५ तालिबान बिद्रोही मारिएका छन् । आक्रमणमा अल कायदासँग सम्बन्धित तीन जना पाकिस्तानी नागरिक समेत मारिएका छन् । अफगानिस्तानको रक्षा मन्त्रालयका अनुसार लश्करगाह र हेलमन्द प्रान्तमा गरिएको हवाई कारबाहीमा ४८ जना लडाकूको मृत्यु भएको हो । सैन्य आक्रमणको क्रममा भारी संख्या हतियार समेत नष्ट गरिएको जनाएको छ ।

तालिबानले तेस्रो प्रान्तीय राजधानी नियन्त्रणमा लियो

तालिबानले अफगानिस्तानको तेस्रो प्रान्तीय राजधानी शहर नियन्त्रणमा लिएको दाबी गरेको छ । अन्तर्राष्ट्रिय सञ्चारमाध्यमहरुका अनुसार तालिबानले कुञ्दुज शहर नियन्त्रणमा लिएको उल्लेख गरेको छ । तालिबानले आइतबार सुरक्षाकर्मीसँग भिषण युद्ध जारी रहेपनि शहर नियन्त्रणमा लिएको जनाएको छ । तालिबानले कुञ्दुजस्थित प्रहरी हेडक्वार्टर, गर्भनरको प्राङ्गण, शहरस्थित कारागार कब्जा गरेको अलजजिराले तालिबानका अधिकारीलाई उद्धृत...

इरानले अफगानसँग जोडिएको प्रमुख सीमा बन्द गर्यो

अफगानिस्तानमा हिंसात्मक गतिबिधि बृद्धि भएपछि इरानले एक प्रमुख सीमा बन्द गरेको छ । इरानले आइतबार सिस्तान र बलूचिस्तानको मिलाक जिल्लास्थित सीमा बन्द गरिएको जनाएको छ । इरानले सीमा क्षेत्र भएर सयौंको संख्यामा युद्ध प्रभाबित ब्यक्ति इरान प्रबेश गर्न लागेको जनाएको छ । अफगानिस्तानको जरञ्ज शहरमा बिद्रोही तालिबानले आक्रमणका घटनामा बृद्धि गरेकोले नजिकको इरानी सीमा तात्कालका लागि बन्द गरिएको छ ।

भारतमा ३९ हजार सङ्क्रमित थपिए

भारतमा गएको चौबीस घण्टामा ३९ हजार ७० जना सङ्क्रमित थपिएका छन् । गएको चौबीस घण्टामा थपिएका सङ्क्रमितसँगै भारतमा कोरोनाका कुल सङ्क्रमित तीन करोड १९ लाख ३४ हजार ४५५ पुगेको छ । भारतीय सञ्चारमाध्यमहरुका अनुसार भारतमा हाल चार लाख छ हजार ८२२ जना सक्रिय सङ्क्रमित छन् । गएको चौबीस घण्टामा ४३ हजार ९१० जना सङ्क्रमित निको भएका छन् । हालसम्म तीन करोड १० लाख ९९ हजार ७७१ जना सङ्क्रमित कोरोनामुक्त भएका छन् ।

सुडानका उपराष्ट्रपति माचरको दल र प्रतिद्वन्द्वी समूहबीच झडप हुँदा दर्जनौँको मृत्यु

दक्षिण सुडानको नाइल क्षेत्रमा सरकारी सेना र यहाँका उपराष्ट्रपतिको दल र उहाँ विरोधी गुटहरूबीच शनिबार व्यापक झडपहरू भएका छन् । दक्षिण सुडानका उपराष्ट्रपति रिक माचरको ‘पिपुल्स लिबरेसन आर्मी–इन–अपोजिसन’ (एसपिएलए–आइओ) का प्रतिद्वन्द्वी गुटहरूबीच भएका घातक लडाइँमा दुई उच्च सैनिक अधिकारीसहित दर्जनाँै सरकारी सेनाको मृत्यु भएको माचरका सैनिक प्रवक्ताद्वारा जारी एक वक्तव्यमा उललेख गरिएको छ ।