उद्योगमन्त्री बडूद्वारा पदभार ग्रहण

नवनियुक्त उद्योग वाणिज्य तथा आपूर्ति मन्त्री दिलेन्द्रप्रसाद बडूले पदभार ग्रहण गर्नुभएको छ। यसअघि कानुन, न्याय तथा संसदीय मामिला मन्त्रीको जिम्मेवारी सम्हाल्दै आउनुभएका बडूलाई प्रधानमन्त्री शेरबहादुर देउवाले बिहीबार उद्योग मन्त्रालयको जिम्मेवारी दिनुभएको हो।

कानुनमन्त्री शर्माद्वारा पदभार ग्रहण

नवनियुक्त कानुन, न्याय तथा संसदीय मामिला मन्त्री गोविन्दप्रसाद शर्मा कोइराला (बन्दी) ले पदभार ग्रहण गर्नुभएको छ। प्रधानमन्त्री शेरबहादुर देउवाको सिफारिसमा बिहीबार राष्ट्रपति विद्यादेवी भण्डारीले कानुन, न्याय तथा संसदीय मामिला मन्त्रालयमा नियुक्त गरे लगत्तै उहाँले पदभार ग्रहण गर्नुभएको हो। शीतल निवासमा दिउँसो २ बजे शपथ लिएर उहाँ पदभार ग्रहणका लागि सिंहदरबार पुग्नुभएको थियो।

निर्वाचन आचारसंहिताका छ विषयमा एमालेको असहमति

नेकपा (एमाले)ले केही बुँदामा असहमति व्यक्त गर्दै निर्वाचन आयोगद्वारा जारी हुने आचारसंहिता पलना गर्न सदैव प्रतिबद्ध रहेको बताएको छ। एमाले महासचिव शंकर पोखरेल, उपमहासचिव विष्णु रिमालसहितको टोलीले बिहीबार दिउँसो आयोग पुगेर निर्वाचन आचारसंहिताका ६ वटा विषयमा असहमति राखेको हो। महासचिवसहितको टोलीले प्रमुख निर्वाचन आयुक्त दिनेश थपलियालाई आचारसंहिताबारे आफ्नो ध्यानाकर्षणपत्र बुझाएको हो।

अधिवक्ता गोविन्द बन्दी कानुनमन्त्रीमा नियुक्त, बडूलाई उद्याेगमन्त्रीकाे जिम्मेवारी

अधिवक्ता गोविन्द बन्दी कानुन न्याय तथा संसदीय मामिला मन्त्रीमा नियुक्त हुनुभएको छ ।

१५ महिनादेखि १५ वर्षसम्मका ७५ लाख बालबालिका लाभान्वित हुने

प्रधानमन्त्री शेरबहादुर देउवाले भोलिदेखि देशैभर सुरु हुने टाइफाइड खोप अभियानको शुभारम्भ गर्नुभएको छ । रानीपोखरीस्थित दरबार हाइस्कुलमा आज बिहान आयोजित कार्यक्रममा प्रधानमन्त्री देउवाले यही चैत २५ देखि आगामी वैशाख १८ गतेसम्म देशैभर टाइफाइड खोप अभियान तथा राष्ट्रिय खोप कार्यक्रममा नियमित खोपमार्फत टाइफाइड खोपको शुभारम्भ गर्नुभएको हो ।