केशरमहलमा व्यापारिक गतिविधि हुँदैन

शिक्षा, विज्ञान तथा प्रविधिमन्त्री देवेन्द्र पौडेलले पुनर्निर्माणपछि केशरमहलमा कुनै पनि व्यापारिक गतिविधि सञ्चालन नहुने र पूर्ववत् पुस्तकालय सञ्चालनमा ल्याइने प्रतिबद्धता जनाउनुभएको छ । केशरमहलमा व्यापारिक प्रयोजनका लागि निजी क्षेत्रलाई प्रवेश गराउने समाचार मङ्गलबारको गोरखापत्रमा प्रकाशित भएपछि उहाँले त्यस्तो प्रतिबद्धता जनाउनुभएको हो ।

राष्ट्रिय पुस्तकालयको समस्या ट-यो

जमलस्थित शिक्षा मन्त्रालयको जग्गामा राष्ट्रिय पुस्तकालय निर्माण हुनेभएको छ । पुस्तकालयले भवन निर्माणका लागि सोमबार बोलपत्र आह्वान गरेको छ । यससँगै जमलको खुला सरकारी जग्गामा आउन लागेको सम्भावित समस्या टरेर राष्ट्रिय पुस्तकालयले मूर्त रूप पाउने भएको छ ।

राष्ट्रपति, प्रधानमन्त्री र परराष्ट्रमन्त्रीको भारतलाई शुभकामना

भारतको ७३औँ गणतन्त्र दिवसका अवसरमा राष्ट्रपति विद्यादेवी भण्डारीले त्यहाँका राष्ट्रपति रामनाथ कोविन्दलाई शुभकामना सन्देश पठाउँदै उहाँको सुस्वास्थ्य र सुखका साथै भारतीय जनताको उत्तरोत्तर प्रगति र समृद्धिको कामना गर्नुभएको छ । भारतको स्वतन्त्रताको ७५औँ वार्षिकोत्सव भारतमा ‘आजादीका अमृत महोत्सव’का रूपमा मनाइन लागेकामा राष्ट्रपति भण्डारीले बधाई तथा शुभकामना व्यक्त गर्नुभएको छ ।

स्वदेशमै मल उद्योग खोल्न प्रधानमन्त्रीको आग्रह

प्रधानमन्त्री शेरबहादुर देउवाले रासायनिक मल उद्योग खोल्न निजी क्षेत्रलाई आग्रह गर्नुभएको छ । नेपालले जहिले पनि रासायनिक मलको समस्या भोग्दैआएको स्मरण गर्नुहुँदै उहाँले रासायनिक मल उद्योग स्थापनाका लागि उद्योगी व्यापारी घरानासँग आग्रह गर्नुभएको हो ।

राष्ट्रिय सभा सदस्य निर्वाचन आज

राष्ट्रिय सभा सदस्यका लागि सातवटै प्रदेशको राजधानीमा बुधबार मतदान हुँदैछ । मतदानका लागि आठ मतदान स्थल र १४ मतदान केन्द्र तयार गरिएको छ । निर्वाचन आयोगले सातवटै प्रदेशमा मतदानका लागि बुथ निर्माण भइसकेकाले बुधबार बिहान ९ बजेदेखि ३ बजेसम्म मतदान हुने जनाएको छ ।