काँग्रेस महामन्त्रीमा विश्वप्रकाश शर्माको उम्मेदवारी दर्ता

नेपाली काँग्रेसको महामन्त्रीमा विश्वप्रकाश शर्माले उम्मेदवारी दर्ता गर्नुभएको छ । शुक्रबार उद्घाटन भएको काँग्रेसको १४ औँ महाधिवेशनमा शनिबार उम्मेदवारी दर्ता भइराखेको छ । पार्टी सभापतिको रुपममा प्रकाशमान सिंहको प्यानलबाट शर्माले महामन्त्रीको उम्मेदवारी दर्ता गर्नुभएको हो । काँग्रेस महाधिवेशनमा गगन थापा र मिनेन्द्र रिजालले महामन्त्रीको रुपमा मनोनयन दर्ता गरिसक्नुभएको छ ।

निसु तोकिएका मुद्दामा पुनः सुनुवाइ

गोला प्रणालीबाट पेसी व्यवस्थापन सुरु भएपछि निर्णय सुनाउने (निसु) चरणकासहित ४५ थान मुद्दा पुनः सुरुवातदेखि नै सुनुवाइमा गएका छन् । निर्णय सुनाउने अवस्थाका मुद्दामा समेत गोला प्रणाली लागू हुने निर्णय सर्वोच्च अदालतका न्यायाधीशहरूले गरेपछि त्यस्ता मुद्दा पुनः सुनुवाइमा जान लागेका हुन् । अब फैसला हुने अवस्थामा रहेका मुद्दाको प्रारम्भिक रूपमा सुनुवाइ हुनेछ । कुल ४५ मध्ये निसुमा राखिएका ११, हेर्दाहेर्दैका २० र इजलासबाट...

काँग्रेसको नेतृत्व प्रतिनिधिमा निर्भर : बीपी

नेपाली काँग्रेसका अध्यक्ष श्री विश्वेश्वरप्रसाद कोइरालाले नेपाली काँग्रेसको सातौँ महाधिवेशनमा अध्यक्ष पदबाट दिनुभएको भाषण साथीहरू, यस महाअधिवेशनमा भाग लिन देशका विभिन्न क्षेत्रहरूबाट आउनुभएका तमाम साथीहरूलाई सर्वप्रथम मेरो हार्दिक अभिवादन छ । साथीहरूको विश्वास प्राप्त गरेर नेपाली काँग्रेसको गौरवपूर्ण तथा गम्भीर पदको जिम्मेदारी मेरो काँधमा पुनः यसपाली पनि पर्न गएको छ । यो गम्भीर दायित्व मेरो व्यक्तिगत दायित्व...

१३४ पदमा उम्मेदवारी दर्ता आज

नेपाली काँग्रेसको १४औँ महाधिवेशनअन्तर्गत नयाँ नेतृत्व चयनको प्रक्रिया शनिबार सुरु हुँदैछ । केन्द्रीय निर्वाचन समितिका संयोजक वरिष्ठ अधिवक्ता गोपालकृष्ण घिमिरेका अनुसार १६७ सदस्यीय केन्द्रीय कार्यसमितिमध्ये १३ पदाधिकारी र १२१ जना केन्द्रीय सदस्यको निर्वाचन हुनेछ ।

महाधिवेशन प्रतिनिधिको रक्तचाप सन्तुलित

नेपाली काँग्रेसको महाधिवेशनमा सहभागी अधिकांशको रक्तचाप सन्तुलित रहेको पाइयो । महाधिवेशन कार्यक्रमस्थल भृकुटीमण्डपमा आयोजित निःशुल्क स्वास्थ्य शिविरमा स्वास्थ्य परीक्षण गरिएका अधिकांशको रक्तचाप सन्तुलित रहेको पाइएको हो । ब्लुक्रस अस्पतालले शिविर सञ्चालन गरेको थियो ।