प्रमुख पदमा महिलालाई पचास प्रतिशत

स्थानीय तहको निर्वाचनमा प्रमुख पदमा महिलाका लागि ५० प्रतिशत स्थान सुरक्षित गर्नुपर्ने माग महिला नेत्रीहरूको छ । सरकारले वैशाख ३० गते स्थानीय तहको निर्वाचन घोषणा गरिसकेको अवस्थामा महिला नेत्री तथा आयोग पदाधिकारीहरूले यस्तो आवाज उठाउनुभएको हो ।

माओवादी केन्द्रीय समितिको अर्को बैठक जेठ २० मा बोलाउने प्रस्ताव

नेकपा (माओवादी केन्द्र)ले आगामी जेठ २० गते अर्को केन्द्रीय समितिको बैठक बोलाउने प्रस्ताव गरेको छ । सोमबार बसेको माओवादी केन्द्रीय समितिको बैठकमा अध्यक्ष पुष्पकमल दाहाल ‘प्रचण्ड’ले जेठ २० गते अर्को केन्द्रीय समितिको बैठक बोलाउने प्रस्ताव गर्नुभएको केन्द्रीय सदस्य दिलिप महर्जनले जानकारी दिनुभयो ।

नेकपा (एकीकृत समाजवादी)को पोलिट्ब्यूरो बैठक जारी

सत्ता साझेदार दल नेकपा (एकीकृत समाजवादी)को पोलिट्ब्यूरोको प्रथम बैठक बानेश्वरमा जारी छ । बैठक करिब एक घण्टादेखि बैठक जारी रहेको अध्यक्ष माधवुमार नेपालका स्वकीय सचिव मोहन गौतमले जानकारी दिनुभयो । राजनीतिक दलहरु स्थानीय तहको चुनाव केन्द्रीत रहँदै आएका छन् ।

माओवादी केन्द्रीय समितिमा चुनाव केन्द्रित अभियानबारे छलफल हुने

सत्ता साझेदार दल नेकपा (माओवादी केन्द्र)को केन्द्रीय कार्यसमितिको बैठक केहीबेरमा बस्दैछ । माओवादीको आठौं महाधिवेशन पश्चात् अध्यक्षबाहेक बाँकी रहेका अन्य पदाधिकारी एवम् कार्यसमितिको पूर्णताका विषयमा बैठकमा छलफल हुने जनाइए पनि आजको बैठकमा यो कुनै पनि विषय प्रवेश नहुने केन्द्रीय कार्यालयका सचिव डोरप्रसाद उपाध्यायले बताउनुभयो ।

अनलाइनबाटै पेन्सनपट्टाको तयारी

अवकाश पाएपछि निजामती कर्मचारीले पेन्सन पट्टालगायतका कागजात तयार गर्न किताबखाना धाउनुपर्ने अवस्था अन्त्य गरिने भएको छ । किताबखानाले सबै निजामती कर्मचारीको व्यक्तिगत विवरणसहितको कर्मचारी सङ्केत नम्बर डिजिटलाइजेसन गरी ई–पेन्सन प्रणाली कार्यान्वयन गर्न लागेकाले कर्मचारी अवकाश हुँदा किताबखानासम्म धाइरहनुपर्ने अवस्थाको अन्त्य गर्न लागिएको हो । राष्ट्रिय किताबखाना (निजामती)का महानिर्देशक बाबुराज श्रेष्ठले...