संस्कृति संरक्षणमा सरकार प्रतिबद्ध :प्रधानमन्त्री

प्रधानमन्त्री शेरबहादुर देउवाले अल्पसङ्ख्यक र सीमान्तकृत समूहको अधिकारलाई सुनिश्चित गर्न एवं धार्मिक, सांस्कृतिक पर्व र परम्पराको संरक्षणमा सरकार सधैँ क्रियाशील रहेको बताउनुभएको छ । हिमाली आदिवासी शेर्पा समुदायले मनाउने ग्याल्बो ल्होसार तथा नयाँ वर्ष २१४९ क्षु–फो–ताक्लोको उपलक्ष्यमा शुभकामना दिनुहुँदै उहाँले सो धारणा व्यक्त गर्नुभएको हो ।

युवासम्म पुग्नै सकेन युवापरिषद्

युवाको समग्र विकासका लागि सरकारले राष्ट्रिय युवा परिषद्को स्थापना गरे पनि लक्षित वर्गसम्म जान सकेको छैन । युवा परिषद् भनिए पनि यस कार्यालयले युवा लक्षित प्रभावकारी कार्यक्रम तय गर्नसकेको छैन । सञ्चालनमा आएका कार्यक्रम पनि युवासम्म पुगेको छैन । सरकारले युवा तथा खेलकुद मन्त्रालयअन्तर्गत रहने गरी २०७२ साल फागुन १९ गते परिषद् स्थापना गरेको थियो । उद्यमशीलता र सीप विकास, गुणस्तरीय र व्यावसायिक शिक्षा, रोजगारी, स्वास्थ्य...

राष्ट्रिय सभाका नवनिर्वाचित १९ सदस्यको शपथ शनिबार

राष्ट्रिय सभाका नवनिर्वाचित सदस्यको शपथ ग्रहण शनिबार हुने भएको छ। संघीय संसद्‍ सचिवालयले सूचना जारी गर्दै नवनिर्वाचित सदस्यको शपथ ग्रहणको कार्यक्रम सार्वजनिक गरेको हो। शनिबार बिहान ११ बजे कानुन, न्याय तथा मानव अधिकार समितिको कार्यकक्ष, सिंहदरबारमा शपथ ग्रहण समारोह हुँदैछ। गत माघ १२ गते भएको राष्ट्रियसभाको निर्वाचनबाट १९ सदस्य निर्वाचित हुनुभएको छ। शपथपछि निर्वाचित सदस्यको कार्यकाल सुरु हुनेछ।

‘संसद् अवरोधले लज्जाबोध भयो’

लामो समयदेखि प्रतिनिधिसभा अवरुद्ध हुँदा लज्जाबोध भएको सत्ताघटक दलहरुले बताएका छन्। प्रतिनिधिसभाको बैठकपछि पत्रकारसँग कुरा गर्दै सत्तारूढ दलका नेताले सर्वोच्च अदालतमा विचाराधीन विषयमा संसदका कुरा उठाउन नपाइने कानुनी व्यवस्थालाई उल्लङ्घन गर्दै संसद् अवरुद्ध गर्नु नाजायज भएको बताउनुभएको छ।

राप्रपा नेपालले गर्‍यो १६ केन्द्रीय पदाधिकारीको मनोनयन

कमल थापाले राप्रपा नेपालका १६ केन्द्रीय पदाधिकारीको मनोनयन गर्नुभएको छ। बुधबार अध्यक्ष थापाले पार्टी विधान अनुसार ६ उपाध्यक्ष, चार महामन्त्री र ६ जना सहायक महामन्त्री मनोनयन गर्नुभएको हो। पार्टी प्रवक्ता सुरेश आचार्यका अनुसार राजीव पराजुली, उद्धव पौडेल, जयकुमार खड्का, राजेन्द्रकुमार वीर राय, विष्णु भण्डारी र लाक्पा तामाङ उपाध्यक्ष बन्नुभएको छ।