धीरेन्द्रप्रसाद साह
राजविराज, भदौ २८ गते । सप्तरीमा दुई छुटटा्छुटै सवारी दुर्घटनामा परी तीन जनाको मृत्यु भएको छ ।
जिल्लाको कञ्चनरुप नगरपालिका ८ नन्दलाल चोकस्थित कञ्चनपुर–फत्तेपुर सडकखण्डमा एक मोटरसाइकल आफै अनियन्त्रित भई दुर्घटना हुँदा दुई जनाको मृत्यु भएको छ ।
यसरी मृत्यु हुनेमा कञ्चनरुप नगरपालिका ११ बस्ने त्रिभुवन चौधरी र रुपेश चौधरी रहेको प्रहरीले जनाएको छ ।
फत्तेपुरबाट कञ्चनपुरतर्फ शुक्रबार साँझ आउँदै गरेको बा.९१ प. १७३० नम्बरको मोटरसाइकलमा दुबै जना सवार थिए ।
दुर्घटनामा गम्भिर घाइते दुबै जनाको राजविराज स्थित गजेन्द्रनारायण सिंह अस्पतालमा उपचारको क्रममा मृत्यु भएको हो ।
त्यसैगरी कञ्चनरुप नगरपालिका ७ आदर्शटोल स्थित फत्तेपुर–कञ्चनपुर सडक खण्डमा फत्तेपुरबाट कञ्चनपुर तर्फ आउदै गरेको टिपरको ठक्करबाट साइकलयात्री राजविराज १० दिघवा निवासी २० वर्षिय मनोज रामको मृत्यु भएको छ ।
ना.१ क. ७९८३ नम्बरको टिपरले सोहि दिशाबाट आउदै गरेको साइकलयात्रुलाई ठक्कर दिएको हो ।
ठक्कर पश्चात् रामको दुबै खुट्टाको तिघ्रा भाच्चिर घाइते भएपछि उपचारका लागि बिराटनगरस्थित गोल्डेन अस्पताल लगिएकोमा उपचारकै क्रममा त्यहा मृत्यु भएको प्रहरीले जनाएको छ ।
ठक्कर दिने टिपर र चालकलाई इलाका प्रहरी कार्यालय कञ्चनपुरले नियन्त्रणमा लिएको जिल्ला प्रहरी कार्यालय सप्तरीले जनाएको छ ।
