गोरखापत्र अनलाइन
काठमाडौं, कातिक १८ गते । बझाङ, बुन्गल नगरपालिका वडा नम्वर १ दारिम दहको कलङगा हाईड्रोपावरमा काम गर्न गएका चार जना मजदुर आइतबार तीन बजेदेखि सम्पर्क विहिन भएका छन् ।
हाईड्रोपावरमा काम गर्न भनेर ट्याक्टर लिएर सुरुङभित्र गएका छ जनामध्ये दुई जना फर्किएपनि चार जना सम्पर्कबाट बाहिर छन् । जिल्ला प्रहरी कार्यालय बझाङका डिएसपी गणेशबहादुर बम नेतृत्वको टोली आइतबार साँझबाट उद्धारमा खटेपनि उनीहरुको सम्पर्क हुन सकेको छैन ।
हाईड्रोपावरकै विशेषज्ञहरुको टोलीले सम्पर्क बिच्छेद मजदुरको खोजीको प्रयास गरेपनि सफल हुन नसकेको डिएसपी बमले बताउनुभयो । हामीले पटक पटक प्रयास गरेपनि उहाँहरुको अवस्था पत्ता लगाउन सकिएन’ डिएसपी बमले भन्नुभयो ।काठमाडौंबाट थप टोली हेलिकोप्टरबाट आँउदै हुनुहुन्छ - उहाँले भन्नुभयो ।
