गोरखापत्र अनलाइन
धुलिखेल, कात्तिक २४ गते । काभ्रेपलाञ्चोकको बनेपाबाट भकुण्डेबेसी जाँदै गरेको बस दुर्घटना भएको छ । काभ्रेको नमोवुद्ध नगरपालिका वडा नम्वर २ मा यात्रुवाहक बस दुर्घटना भएको हो । बस सडकबाट करिव १५० मिटर तल खस्दा बसमा सवार २५ जना यात्रु दुर्घटनामा परी घाइते भएका छन् । घाइते मध्ये तीनजनाको अवस्था गम्भीर रहेको बताइएको छ । बनेपाबाट भकुण्डेबेसीतर्फ जाँदै गरेको बा ४ ख ३३१९ नम्बरको बस नमोवुद्ध – २ मा दुर्घटना भएको थियो । घाइतेहरुलाई उपचारका लागि धुलिखेल अस्पताल ल्याइएको छ । 
