तुलसीपुर पुस १६ गते । ट्याक्टर पल्टदा गएराति बबई ५ रातामाटामा एक जनाको मृत्यु भएको छ । बबई ४ हापुरेबाट हंशपुर जाँदै गरेको रा १ च ३२९७ नम्बरको टेक्टर अनियन्त्रित हुँदा बबई गाउँपालिका वडा नम्बर ५ जौवारीका ३० वर्षिय खुमबहादुर बुढाथोकीको मृत्यु भएको इलाका प्रहरी कार्यालय खिलतपुरका प्रमुख डाक्टरप्रसाद चौधरीले जानकारी दिनभएको छ ।
ट्याक्टर पल्टदा घाइते भएका बबई गाउँपालिका वडा नम्बर २ का टोपबहादुर खत्रीको थप उपचारका लागि नेपालगञ्ज पठाइएको प्रहरीले जानकारी दिएको छ । त्यसैगरी मोटरसाइकल दुर्घटनामा परी घाइते भएकी बबई ४ पूर्व हापुरेकी ६५ वर्षिय मङ्गली रोकाको उपचारका क्रममा लखनउमा हिजो मृत्यु भएको छ । ठक्कर दिने ना ६२ प ६१३८ अनटेस्ट मोटरसाइकल र मोटरसाइकल चालक प्रहरीको नियन्त्रणमा रहेको प्रहरी प्रमुख डाक्टरप्रसाद चौधरीले जानकारी दिनुभयो । ट्याक्टर र चालक पनि प्रहरी नियन्त्रणमा रहेका छन् ।
