कृष्ण तिवारी
रौतहट, पुस १६ गते । रौतहटमा ट्याक्टरको ठक्करबाट दुई जनाको मृत्यु भएको छ । जिल्लाको मौलापुर नगरपालिका वाड नं १ मर्यादपुरमा मंगलवार साँझ ७ बजेको समयमा ट्याक्टरले मोटरसाईकललाई ठक्कर दिदा दुबैजनालाको घटनास्थलमै मृत्यु भएको हो ।
ना ५ त ७३४५ नम्बरको ट्याक्टरको ठक्क्रबाट ना ३८ प ५१५३ नम्बरको मोटरसाईकललाई ठक्कर दिदा मोटरसाईकलमा सवार मर्यादपुरकै ४० वर्षिय सुरेन्द्र राय यादव र ५५ वर्षिय राजेन्द्र यादवको मृत्यु भएको प्रहरीले जनाएको छ ।
दक्षिणबाट उत्तर रहेको घर तर्फ जादै गरेको मोटरसाईकललाई विपरीत दिशाबाट आउँदै गरेको ट्याक्टरले ठक्कर दिएको थियो ।
बाक्लो मात्रामा लागेको हुस्सुका कारण टयाक्ट्र चालकलाई मोटरसाईकल देखाई नदिदा ठोकिएको प्रहरीले जनाएको छ । मृत्यु भएका दुवै जनाको शव पोष्टमार्टमका लागि जिल्ला अस्पताल गौर पठाईएको छ ।
ठक्कर दिने ट्याक्टर चालक एवं धनी मौलापुर नगरपालिका वडा नं ५ पतौराका ३६ वर्षिय कृष्ण भगत मालिलाई ईलाका प्रहरी कार्यालय मौलापुरले नियन्त्रण लिएको छ ।
घटना सम्बन्धमा आवश्यक अनुसन्धान भईरहेको जिल्ला प्रहरी कार्यालय रौतहटका प्रहरी नायव उपरीक्षक नवीन कार्कीले जानकारी दिनुभयो ।
