गोरखापत्र अनलाइन
काठमाडौं, माघ २१ गते । भन्सार कार्यालय, जनकपुरमा कार्यरत नायब सुब्बा एक लाख पचास हजार रुपियाँ घुससहित पक्राउ परेको दाबी गरिएको छ । अख्तियार दुरुपयोग अनुसन्धान आयोगले नासु अहमद रजा अन्सारीलाई एक लाख पचास हजार रुपियाँ घुस लिएको आरोपमा पक्राउ गरेको हो ।
आयोगका प्रवक्ता प्रदीपकुमार कोइरालाले नासु अन्सारीले नेपाल–भारत सीमा बजारबाट घरायशी सामान ल्याउन सहज गराउने नाममा सेवाग्राहीबाट घुस लिएको जानकारी दिनुभयो । अन्सारीलाई जनकपुरधामकै पिडारी चौकबाट आयोगको बर्दिबासको टोलीले नियन्त्रणमा लिएको हो । अन्सारीलाई नियन्त्रणमा लिएर थप अनुसन्धान गरिरहेको आयोगका प्रवक्ता कोइरालाले बताउनुभयो ।
२०८२ भाद्र १४ शनिवार
