गाेरखापत्र अनलाइन
काठमाडौं, साउन ११ गते । पार्टीको आधिकारिकताका लागि जनता समाजवादी पार्टीका अध्यक्ष उपेन्द्र यादवको पक्षमा ३४ जना केन्द्रीय कार्यकारिणी सदस्यले निर्वाचन आयोगमा सनाखत गरिसक्नुभएको छ ।
अध्यक्ष यादव पक्षका कार्यकारिणी सदस्य महोम्मद इस्तियाक राईले अहिलेसम्म अध्यक्ष यादवको पक्षमा ३४ जना केन्द्रीय कार्यकारिणी सदस्यले सनाखत गरिसक्नुभएको जानकारी दिनुभयो ।
जसपामा ५१ सदस्यीय कार्यकारिणी सदस्य छन् ।
राईका अनुसार सनाखतका लागि सांसद रेशम चौधरीलाई पनि निर्वाचन आयोगमा ल्याउने तयारी रहेको बताउनुभयो । डिल्लीबजारस्थित कारागारमा रहेका सांसद चौधरीलाई सनाखत गराउन आयोगमा ल्याउने तयारी भइरहेको कार्यकारिणी सदस्य राईले जानकारी दिनुभयो ।
सांसद चौधरीले सनाखत गर्नुभएपछि यादव पक्षमा ३५ जना कार्यकारिणी सदस्य पुग्ने उहाँले बताउनुभयो । यसअघि अर्का अध्यक्ष महन्थ ठाकुर पक्षमा रहनुभएको मनीष सुमन, नवलकिशोर साह, राजकिशोरलगायतका नेता यादव पक्षमा आउनुभएको छ ।
यो पनि हेर्नुहोस्
जसपाका नेता कार्यकर्ता सनाखतका लागि निर्वाचन आयोगमा
श्रावण ११, २०७८ सोमबार
