मुना हमाल
सुर्खेत, कात्तिक १० गते । कर्णाली प्रदेश सरकारले अध्यादेशमार्फत प्रदेश लोकसेवा आयोग ऐन संशोधन गरेको छ ।
कर्णाली प्रदेश सरकारको सिफारिसमा प्रदेश प्रमुख गोविन्दप्रसाद कलौनीले मङ्गलबार प्रदेश लोकसेवा आयोग ऐन २०७५ लाई संशोधन गर्न बनेको अध्यादेश २०७८ लाई जारी गर्नुभएको हो ।
२०७५ चैत २७ गते लोकसेवा आयोग ऐन प्रदेशसभाबाट पारित भएको थियो । ऐनमा केही कानुनी अड्चन भएकाले सरकारले २०७८ जेठ ३ गते संशोधनका लागि प्रदेशसभा सचिवालयमा दोस्रो संशोधन विधेयक दर्ता गरेको थियो ।
तर प्रदेशसभा बैठक नबसेकाले सरकारले उक्त विधेयक फिर्ता गरेर अध्यादेशमार्फत ऐन संशोधन गरेको हो ।
