विजयकुमार साह
ढल्केबर, कात्तिक २७ गते । धनुषाको मिथिला नगरपालिका १० लालगढमा ६२ जना जेष्ठ नागरिकलाई सम्मान गरिएको छ । शनिबार लालगढमा आयोजना गरिएको नेपाली काँग्रेसको १४ औं वडा अधिवेशन उद्घाटन समारोहमा जेष्ठ नागरिकलाई सम्मान गरेको हो ।
८० वर्ष पारे गरेका जेष्ठ नागरिकलाई दोसल्ला ओढाएर तथा मायाको चिनो प्रदान गरेर सम्मान गरेको आयोजक समितिका महेश बस्नेतले बताउनुभयो । उहाँहरुलाई वडा अधिवेशन उद्घाटन समारोहका बिशिष्ठ अथिति तथा नेपाली काँग्रेसका केन्द्रीय सदस्य आनन्दप्रसाद ढुङ्गना, महेन्द्र यादव र समिर घिमिरेले दोसल्ला तथा मायाको चिनो प्रदान गर्नुभयो ।
उद्घाटन समारोहमा नेपाली काँग्रेसका केन्द्रीय सदस्य यादवले जेष्ठ नागरिकको सीप, ज्ञान र अनुभवलाई नयाँ पुस्ताले सिकाइका रुपमा लिनुपर्ने भन्दै जेष्ठ नागरिक र समाजमा उत्कृष्ट कार्य गर्नेलाई वर्षेनी सम्मान कार्यक्रमको आयोजना गर्न कार्यकर्तालाई भन्नुभयो ।
